YEGIL MBAAX NE YEESU ne Lik a bindtuuna 6:30 - NQAARIIT NE ROOG

³⁰ Ci’i oxe na xeɗang, too ba o ser oxe na xoxaa fo tig of.

YEGIL MBAAX NE YEESU ne Lik a bindtuuna 6:30 Referans Kwoze

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

A pi ake 20:35

Lalaam a nuun no fop ee nu mbara o njaltaa neene ndax nu mbaag o ndimle’aa we neewna doole. Mbetandooxyo xa ƭelem axe o Yaal oxe Yeesu fa xoox um a layna. Kaa tee: ‹Boo o moƴaa jeg barke, o ci’taa ee o daawaa.› »

Mace 6:12

Waasani a in tooñ ke in, ne i mbaasantaa we tooñna a in,

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

Xa peƭit axe 21:26

No ñaal ne fop kaa yaawaa, o cofu xe mat a ci’taa no fud o letu.

A kim a tedu ke 41:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

Xa peƭit axe 19:17

Oxe na yirmaa o ndool onqe, o Yaal oxe a rawnaa, too xan a rabdin a pi um.

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

YEGIL MBAAX NE YEESU ne Lik a bindtuuna 6:38

Ci’ityo, too yaaga xan Roog a ci a nuun. Xan nu yiƥadooxanel eedir kaa soqeena, a yo’nel, soo a may boo a ɓaxooxaa. Xan nu eedantel eedir ke nu eedtaa.»

Mace 18:35

Neene Faap es fee na asamaan a fi’kaa a nuun, yaa oxuu refna na nuun a waasaneerna o pog um fo xeeñ letu.»

O baawaare xe 8:16

Ye ɗoftuuma o and o jeg-yiif ole soo horoox ke wiin we a mbi’aa took lanq ke, boo ta yaqan a den o sag a ngid, ñaal oo yeng oo,

Xa peƭit axe 22:9

Oxe ranigna kam xan a barke’el, yaam kaa ci’aa o neewu doole xe no ñaamel um.

A kim a tedu ke 112:9

Kaa mos kam, a ci’aa rool we, too o cofel um xan a maadaa boo faw. O cok um ole took kam o ndam onqe.

Efees 4:28

Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.

O baawaare xe 11:2

Xaaji o jeg of no fo mbiñ ɓetuu ƭik mbaat sax no fo ɓetuu tadik, yaam andiro taamaala kum na nqewkaa took lanq ke.

Mace 5:39

Mi koy, mexe layaa a nuun ee: Ba nu ndabdinoor fo xe na fi’aa a nuun ƭomu. O kiin a faɗangaang no ɗek o ñamaak, cooxeen o ɗek o janoon ole itam.

YEGIL MBAAX NE YEESU ne Lik a bindtuuna 6:29

O kiin a faɗangaang no ɗek, cooxeen o lakas ole itam. O kiin a bugangaa o jang o forok of, doonaneen sabadoor of sax.

YEGIL MBAAX NE YEESU ne Lik a bindtuuna 6:31

Kuu nu mbugna wiin we a mbi’an a nuun, mbi’aneenoo a den.