YEGIL MBAAX NE YEESU ne Lik a bindtuuna 6:29 - NQAARIIT NE ROOG

²⁹ O kiin a faɗangaang no ɗek, cooxeen o lakas ole itam. O kiin a bugangaa o jang o forok of, doonaneen sabadoor of sax.

YEGIL MBAAX NE YEESU ne Lik a bindtuuna 6:29 Referans Kwoze

Hebre 10:34

No ndigil, nu njeg’a yirmande no we ndameena kaso. Ye kalal ke nuun a njangeena itam, nu njaɓ’a o ñak a den no fud o letu. Nu and’a yee nu njega halal faa moƴna, too a refkaa boo faw.

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

1 Korint 6:7

Qasir ke a ndeer nuun sax eetu o ndef sik nuun. Wondoox fo ke tooñee’oona mbaat o jaɓ o jeg of a guuɗel moƴu o xetik fo pog of o kimu no nqeloor.

YEGIL MBAAX NE YEESU ne Saŋ a bindtuuna 18:22

Took a ƭelem akaaga, o leng no alkaati kaa reeƭna maaga a ranjaan mbaƭ, a layin ee: «Neene o doonitkaa o saasadax o maak oxe?»

Mace 26:67

Maaga, a nduxdaan na tagid, a unin tiq, a mbeelin paƭ, too a lay ee:

A ƭomatax ake 3:30

Fat a letin o ɗek um oxe na ɗatan paƭ, a jaɓ a ben ake,

Esayi 50:6

Kaam dekan’u ndiiñ es we mbadoogaxama, we mbofoogna o raatam es, um letin a den xa ƭek es, too a tuxid ake fo a ben ake tax’ee um sing mukit es.

1 Korint 4:11

Boo fa ndiik kaa nqeex a maad fa in, xa pud in a ƥac, i yoq ƭuc, muu i ngeenooxna, i njuumel xa ƭong, njoqooyooxaa ndetaa.

YEGIL MBAAX NE YEESU ne Lik a bindtuuna 22:64

Kaa ngum’un o mbuul-ee-mbuul, a laamtan ee: «Kaa o fi’ooxaa o tuleer! Gapi oxe fadoonga!»

A pi ake 23:2

Anañaas fee reeƭna o saasadax o maak oxaa a hebla waa ngeenoox’ina paam Pool da keɓe’in.

Mise 5:1

O Yaal oxe kaa tee: «Wo Betleheem fee Efrata, wo fee moƴna o neew na qaw ake Yudaa, na wo um sutitkaa oxe na maadooxankaa a Isra’el! Oxe faqaqoora no camaane kaa yaaga, too o leng andee mberaandoong um.»

2 Caloori ke 18:23

Ndak fo ndak, Sedekiya fee o ƥiy Kenaana a matiida a Mikaya, a faɗin soo a layin ee: «Nam Yiif le no Yaal oxe a sutoortu na mi soo a gar a lay fa wo?»

2 Sami’el 19:30

O maad oxe a layaan ee: «A deya. Ke um heblaa refu yee wo fa Siba fat nu nqaajir lanq ke Sawul.»

YEGIL MBAAX NE YEESU ne Lik a bindtuuna 6:30

Ci’i oxe na xeɗang, too ba o ser oxe na xoxaa fo tig of.