YEGIL MBAAX NE YEESU ne Lik a bindtuuna 6:27 - NQAARIIT NE ROOG

²⁷ «Kaa koy, mexe layan a nuun, nuun we na nan-gilooxaxam: Mbexyo fañ nuun, we sibna a nuun, nu mbi’anaa a den paax.

YEGIL MBAAX NE YEESU ne Lik a bindtuuna 6:27 Referans Kwoze

1 Tesalonik 5:15

Mbootooxyo o ndabdinoor ƭomu, ndaa naangyo o mbaaƭaa paax a ndeer no gimu we fo a ndeer no wiin we fop.

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

Xa peƭit axe 24:17

Ba o felakinoox yaam njom ne no pañ of, too baa kam of a fel, yaa ta tolofna,

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

Mark 4:24

Yeesu a layahina a den ee: «Mbootooxyo no ke nu nanaa. Xan nu eedantel ke nu eedtaa boo mbuuña’el.

A pi ake 7:60

Cinj kaaga, a gooknooxa, a wuuq a maak, a lay ee: «O Yaal oxe, ba o damit a den bakaad fene.» Cinj a ƭelem akaaga, a ɓuta.

YEGIL MBAAX NE YEESU ne Lik a bindtuuna 23:34

Yeesu a laya yee: «Faap, waasani a den, yaam andee ke da mbi’aa.» A mbanjanga tikoorik kaa ten, soo a nqaajir a den.

YEGIL MBAAX NE YEESU ne Lik a bindtuuna 8:18

«Mbootooxyo boog ne nu nan-gilooraa, yaam oxe jegna xan a ci’el, ndaa oxe jegeerna koy, o ndik onqe ta foogna yee ten a jegu, xan a jaɓel.»

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

YEGIL MBAAX NE YEESU ne Lik a bindtuuna 8:8

A seek a palakaand ale a sama no lanq paax ke. Ye ta maakna, mbep leng a rima pep teemeed.» Yaa Yeesu a layna kaaga, a laya a maak ee: «Oxuu jegna nof nanir, fat a nan-giloox!»

YEGIL MBAAX NE YEESU ne Lik a bindtuuna 6:22

Boo andoona yee nu sibe mbaat nu ndaxel mbaat nu mbenel mbaat nu mberanel paaxeer kuu refna yaam o Ƥeenqe no kiin oxe, nu ƭaaya.

3Saŋ 1:11

Wo fee fexuuma o mat, ngela ba o laal paaxeer. Fat paax soom a ref o ɗeendoor of. Oxe na ñoowaa na pi a paax, o ndeɓandoong Roog oo, ndaa oxe naageerna o reefaa paax, matee a Roog.

Xa peƭit axe 25:2

O ndam onqe Roog refu yee ta ɗasnaa tig leng ke, o ndam no maad we mat a ref ee da ƥaalaa tig leng ke.

A kim a tedu ke 7:4

O Yaal oxe Roog es, a soƥangaa yee xa ƥay es a mbi’a njofaƭar

1 Maad we 13:6

Ndak fo ndak, o maad oxe a laya o kiin Roog oxe yee: «Ngela xeɗooxanaam o Yaal oxe Roog of, ndax um waag o nomit o ɓay es.» O kiin Roog oxe a xeɗooxa o Yaal oxe, soo o maad oxe a sog o waag o nomit o ɓay um bo ta dakoox ne ta reeƭna.

A pi ake 16:28

Kaa koy, Pool a falalooxa a maak ee: «Hupaa o fi a xoox of paaxeer, yaam in fop, in wey meen.»