YEGIL MBAAX NE YEESU ne Lik a bindtuuna 6:25 - NQAARIIT NE ROOG

²⁵ Ndaw sabab took nuun, nuun we ñaamna ndiiki boo ngiñ, yaam xan nu nqeexel! Ndaw sabab took nuun, nuun we na njalooxaa ndiiki, yaam xan nu ndef no ƭomatax maak fo xa lool!

YEGIL MBAAX NE YEESU ne Lik a bindtuuna 6:25 Referans Kwoze

Esayi 65:13

Ten taxu keeke o Yaal oxe na refkaa boo faw a layu: «Dag es xan a njeg kaa da ñaamna, soo nuun o mat nu ndef no nqeex. Dag es xan a njeg kaa da yerna, soo nuun o mat nu nqonaa fo a koɗom. Dag es xan a ndef no ɗaay, soo nuun o mat nu ndef na gaci.

Saak 4:9

Naqadilooxyo yaam pakaad nuun. Ñaawooxyo too lool. Ba nu njalat ndaa loolyo. Ba nu mbelakinooxat ndaa naqadilooxyo.

Xa peƭit axe 14:13

O kiin a waaga ƴeelaa, too xeeñ um a naqadiloox, o ɗaay a fagangaa, naqad yoqu.

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Efees 5:4

Ba nu layaa fa lay fa njegee xoox mbaat a ƭelem a cednooxu mbaat a caaxaan. Kaa nu mbar o ƥoxotaa a Roog o ngidim kañ.

YEGIL MBAAX NE YEESU ne Lik a bindtuuna 13:28

Maaga xan a jeg xa lool fo ƈaxrand a ñiiñ, yaa nu nga’kaa a Abraham fa Isaak fa Yakoob fo duleer we fop no Maat naa Roog, a soƥkaa nu ndeɓel tafil faa!

YEGIL MBAAX NE YEESU ne Lik a bindtuuna 12:20

Kaa koy, Roog a layaan ee: ‹Nawtul fene! O yeng oleeke sax sax xan o ñis of a xuufel, too yaaga boog an na jegkaa ke geeroona?›

YEGIL MBAAX NE YEESU ne Lik a bindtuuna 8:53

Maaga, wiin mayu waa kaa nqaad-nooxoogu a Yeesu, yaam a and’a yee o ndoog onqe a xona.

Nahum 1:10

A soƥangaa sax ee kaa ndef kol kaa saaƭoorna, a nquƥaa saƥ, xan a ndox riw nen daaƭ laa naagna ŋayam.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

Esayi 9:20

Xan a carind ale Manaase a listaa ale Efrayim, a carind ale Efrayim oo a listaa ale Manaase, soo den ɗik fop da tapoor, a song a Yudaa. Kaa koy, keene fop taxkee fuux le no Yaal oxe a ɓoos, too o ɓay um ole yoɗooxa boo fa ndiik.

Esayi 8:21

Xan a mbidaa saax le fo xij fo nqeex. Xan a mbuux, yaam a nqeexel, a saloox o maad den fa Roog den. Xan a ngeleeroox farna fa asamaan,

O baawaare xe 7:6

Ne xa saaŋaan a mbeɗditaa yoora o xuɗoox, neen cal ke na fanxoy fee a nandu. Keene kasaara a refahinu.

O baawaare xe 7:3

Naqad moƴu cal, yaam a waaga feƭarin a tagid, ndaa kaa saƭkandaa o kiin.

O baawaare xe 2:2

Layaam no cal ke yee: «Cegee xoox oo!», soo o ɗaay ole, um layin ee: «Xar a ɗaxu?»

Xa peƭit axe 30:9

yaam ndik um neq soo xañong, lay ee: «An refu o Yaal oxe?» mbaat kam ndool ne um guuɗ, ŋañnoor a Roog es.

A kim a tedu ke 49:19

Kaa kañooxaa no ñoow um, a niweel, yaam ne fop um a ñaaƴna.

1 Sami’el 2:5

We neq’ina a mbaaƭataa onqaa da ñaamna, we nqeex’eena, a njegat ñaamel teyu. O tew o timar oxe sax a jegata xa ƥiy ɓetaa ƭaq, soo oxe rim’ina mayu, fa ndim um a geenooxat.

YEGIL MBAAX NE YEESU ne Lik a bindtuuna 6:24

Ndaw sabab took nuun, nuun yaal kalal ke, yaam nu yaale boo ƈut!

YEGIL MBAAX NE YEESU ne Lik a bindtuuna 6:26

Ndaw sabab took nuun, yaa wiin we a layanna a nuun paax ƥor, yaam neene o mat daan den a mbi’anoogu duleer maamaaɓ we.»