YEGIL MBAAX NE YEESU ne Lik a bindtuuna 6:24 - NQAARIIT NE ROOG

²⁴ Ndaw sabab took nuun, nuun yaal kalal ke, yaam nu yaale boo ƈut!

YEGIL MBAAX NE YEESU ne Lik a bindtuuna 6:24 Referans Kwoze

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Mace 6:2

Boo o sadaxtaa, ba o laltan ne yememaar we a mbi’tan kam pind a qeƭ ke mbaat kam ped ke, ndax wiin we a simat a den. Mexe layaa a nuun no ndigil ee: A ndaawa ndabid den boo a ƈut.

Saak 2:6

Ii, soo nuun o mat, nu nqeefaa a den! Ndax refee yee yaal kalal ke na ngetandaa a nuun? Den o mat na ƥisaa a nuun no qel ke no maad we!

Xa peƭit axe 1:32

O fañ o jeg-yiif ole na warkaa oxe raƥna yiif, o ñak a qalaat a saŋik a fanxoy fee.

Mace 6:16

«Boo nu ngoorna, ba nu yuɗaanooxaa nen yememaar we na ngiɓaa a tagid den, ndax wiin we a nga ee kaa ngoor. Mexe layaa a nuun no ndigil ee: A ndaawa ndabid den boo a ƈut.

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

Safe le no tuleer AGE 2:9

O ndam onqe no Mbind mbaktu nene na moƴkaa o magin onqe no Mbind eetaand ne. Mi o Yaal oxe Hupna fop layun. No mbiñ onqene um ci’titkaa a nuun jam fee. Mi o Yaal oxe Hupna fop layun.»

YEGIL MBAAX NE YEESU ne Lik a bindtuuna 6:25

Ndaw sabab took nuun, nuun we ñaamna ndiiki boo ngiñ, yaam xan nu nqeexel! Ndaw sabab took nuun, nuun we na njalooxaa ndiiki, yaam xan nu ndef no ƭomatax maak fo xa lool!