YEGIL MBAAX NE YEESU ne Lik a bindtuuna 6:23 - NQAARIIT NE ROOG

²³ Mbelakinooxyo na pe akaaga, too ndef no ɗaay, yaam ndabid nuun xan a magin na asamaan. Neene daan we no we na mbi’kaa a nuun keene a ñagadilit’u duleer we adooxna a nuun.

YEGIL MBAAX NE YEESU ne Lik a bindtuuna 6:23 Referans Kwoze

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Mbeeñil 3:5

Oxe na maafkaa, xan a rokoorit neene itam tikoorik tan, too foritkiim gon um no safe le no ñoow ole. Mbaambir Faap es fo mbaambir malaaka ke ten, xam lay ee andaanum nen oxaa fogna na mi.

A pi ake 5:41

Naaga, apootar waa a ndiƈatooxa Mal maak naa. Den fop a ƭaaya yaam tedaanga fee Roog a ci’’ina a den, da toroxandeel yaam gon le Yeesu.

Mace 5:12

Mbelakinooxyo, too ndef kam o ɗaay, yaam ndabid nuun xan a magin na asamaan. Ba nu mbeecit itam ee neene duleer we adooxna a nuun a ñagadilit’e.»

Mbeeñil 2:26

Neene, oxe na maafkaa koy, a gen no fi’aa ke buguuma boo no muukandoong naa, xam lasin qeet ke da ndef na sañ-sañ um,

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

Saak 1:2

Fog es, nu yenangaa no ƭeetlax mayu, mbelakinooxyo a paax,

A pi ake 3:8

Maaga, a naaga beret, a geenoox, a ñaaƴaa. Cinj kaaga, a roka fa den kam Mbind Roog naa, a ñaaƴaa, a foolaa, too a simataa a Roog.

2 Caloori ke 36:16

Kaa koy, Ii-isra’el we kaa nqaadnooxoogu duleer we Roog, a nqeefaa fa lay um, a njalaa a den boo neen fuux ɗomu le no Yaal oxe a biltooxanu xeet um too mbaag’atiran o ndaɗ.

2 Sami’el 6:16

Ye arka ne no Yaal oxe a rokiidaa na Ƥak ale Dawid, Mikal fee o tew Dawid, a ref o ƥiy Sawul a wootnoorta no falangteer olaa. Maaga, a ga’a o maad Dawid a foolaa, a fecaa mbaambir no Yaal oxe, too a dalfooxaan o xeef no xeeñ um.

Hebre 11:26

Jeerel nen a Kiristaa fee o Muumucil oxe regteena, hupu no ten o njiriiñ ee kalal ke ndefna kam Misira fop, yaam kaa doon’u a kid um took tabid ke na ngaraa.

Hebre 11:6

O leng waagee o fel a Roog, too jegee o ngim. Yaaga boog, oxuu na mataa a Roog, a wara o gim ee Roog a jega, too kaa rabdaa we na mbaaƭan.

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

O leetar ole Pool a bindna GIMU WE NGENNA ROM 5:3

Kupu keene sax, kaa i moƴ o mbelakinooxaa kam coono ke, yaam i anda yee coono na rimaa o saƭkel,

A pi ake 14:10

Maaga, Pool a layaan a maak ee: «Inooxi! Geenooxi fo a caf of!» Maaga, a naaga daket a inoox, soo a ñaaƴ.

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

YEGIL MBAAX NE YEESU ne Lik a bindtuuna 1:44

Yaam ndak fo ndak ye simin ne wo a nannooxna no nof es, o ƥeenqe a yo’noora no fud es, a may fo o ɗaay.

YEGIL MBAAX NE YEESU ne Lik a bindtuuna 1:41

Yaa Elisabet a nanna simin ne Mari, o ƥiy onqe a yo’nooxa kam o fud um. Elisabet a maya fo Yiif Tedu le,

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Esayi 35:6

ɓoof we a mboolaa nen njaf, soo muum we a layataa fo o ɗaay. Xan poofi ke a mbal kam a koƥ-a-ƥor ale, soo a ƈufnand ake yee gañ kam o tan ole.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

2 Maad we 6:31

O maad oxe kaa falalooxoogu yee: «Yaasam Roog a halakaam, yaa andoona yee xoox le Eliise fee o ƥiy Safat sambree fo o cok ole ten, ndeer mene fo o yaar.»

1 Maad we 22:27

Fat o layanaam a den, da ƥek o mbindeef onqene kaso, too baa cooxeel ñaamel mbaat foofi fo deyu boo yaa um gatkaa na jam.»

1 Maad we 22:8

O maad oxe Isra’el a doonaan ee: «Aha kañ, a jega o lakas de! Kaa koy, kaam sibin, yaam paaxeer rek a yegnaxam, mosiraam o yegin paax muk. Ten refu Mikaya fee o ƥiy Yimla.» Yosafat a layaan ee: «Ba o lay keene!»

1 Maad we 21:20

Ye Ahab a ga’na a Eliya, a layaan ee: «Ey! O pañ oxe mi, garahinaa de!» Eliya a doonaan ee: «Ii, garahinaam moos, yaam kaa o jikooxaa a xoox of, ndax o fi paaxeer na kid no Yaal oxe.

1 Maad we 19:14

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 19:2

Isebel a lulta o layanel a Eliya yee: «Waxtu feeke o feet, a soƥangee um fi’ong ne fi’oona duleer weene, yaasam roog ke a ngalakaam!»

1 Maad we 18:4

Ye Isebel fee o tew no maad oxe a waraa duleer we no Yaal oxe, Abjaas a mucil’a duleer teemeed no duleer waaga, a fi a den a qaaj a ƭak no wiin qarɓeen ƥetik, a ɗasin a den kam luf a ƥil, a cooxaa a den ñaamel fo foofi.

A kim a tedu ke 58:11

O cofu xe xan a jeg o ɗaay, yaa ta ga’kaa ndabdinax ne Roog took no soxodu we soo a loofaa no fo’oy den.