YEGIL MBAAX NE YEESU ne Lik a bindtuuna 6:22 - NQAARIIT NE ROOG

²² Boo andoona yee nu sibe mbaat nu ndaxel mbaat nu mbenel mbaat nu mberanel paaxeer kuu refna yaam o Ƥeenqe no kiin oxe, nu ƭaaya.

YEGIL MBAAX NE YEESU ne Lik a bindtuuna 6:22 Referans Kwoze

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

1 Piyeer 3:14

A soƥangaa sax ee, kaa nu coono’aa yaa nu mbi’aa ke jofna, nu ƭaaya. Ba nu saɗar ke wiin we a saɗaraa, too ba nu njaaxiɗ.

YEGIL MBAAX NE YEESU ne Saŋ a bindtuuna 16:2

Xan nu ndaxel no pind a qeƭ ke. Xan a jeg sax jamaane faa we na mbaraa a nuun, a mboogkaa yee kaa mbaɗoortan a Roog.

YEGIL MBAAX NE YEESU ne Saŋ a bindtuuna 7:7

Adna fee mbaagee o sib a nuun. Mi koy, mbaagiraam o ñak o sib, yaam kaam seede’anaa a den a qool qac ee ke da mbi’aa faaxee.

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

YEGIL MBAAX NE YEESU ne Saŋ a bindtuuna 12:42

Ndeer aa-adax waa sax, mayu a ngima no ten, ndaa o leng na den weejil’ee o ngim um yaam Farisiya we. Kaa saɗaroogu o sutel mbind a qeƭ ne da adooxan’ina.

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

A pi ake 24:5

I anda yee oxene, o kiin taamaala tigi yoo. Kaa ɓisiidaa yaqoor a ndeer no Yaawuur we kam adna fee fop, too ten refu o aa-adax oxe na qaaj ale no Naanasaret we.

A pi ake 9:16

Xam lalin ke ta warna o torox fop yaam gon es.»

YEGIL MBAAX NE YEESU ne Saŋ a bindtuuna 17:14

Kaam coox a den fa lay of, adna fee a sib a den, yaam ne da mbogeerna na adna fee, ne fogteeruuma teen, mi itam.

YEGIL MBAAX NE YEESU ne Lik a bindtuuna 21:17

Xan fop a sib a nuun yaam gon es.

Mace 10:39

Oxuu bugna gay o ñis um xan a ñakin, ndaa oxe na ñakkaa o ñis um yaam mi xan a daawin.»

A pi ake 22:22

Mbokatax naa a nan-gilooxa a Pool ta layaa boo na xa ƭelem axaaga. Kaa koy, maaga a mbuuqata, a lay ee: «Sakyo o kiin oxene pexey! Fat a warel, yaam o ñoow a jombaan.»

YEGIL MBAAX NE YEESU ne Saŋ a bindtuuna 9:34

A ndoonaan ee: «Woxe rime kam bakaad, soo tee koo bug o jangin a in.» Naaga, a ndalfooxaan o ndax.

YEGIL MBAAX NE YEESU ne Lik a bindtuuna 20:15

A ndamaan, a ƭooqin boo ta sutoox a ƭing alaa, soo a mbarin. Ii ndiiki koy, nam o yaal a ƭing ale a fi’kaa xooxoox waaga?

Mace 10:18

Xan nu ƥisel mbaambir no gofornoor ke fo maad we yaam mi, ndax nu ndef seede na den fo no gimaƭaru we.

YEGIL MBAAX NE YEESU ne Lik a bindtuuna 6:21

Nuun we nqeexeena ndiiki, nu ƭaaya, yaam xan nu ngiñ! Nuun we naqadilooxna ndiiki, nu ƭaaya, yaam xan nu sawar!

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.