YEGIL MBAAX NE YEESU ne Lik a bindtuuna 6:21 - NQAARIIT NE ROOG

²¹ Nuun we nqeexeena ndiiki, nu ƭaaya, yaam xan nu ngiñ! Nuun we naqadilooxna ndiiki, nu ƭaaya, yaam xan nu sawar!

YEGIL MBAAX NE YEESU ne Lik a bindtuuna 6:21 Referans Kwoze

YEGIL MBAAX NE YEESU ne Saŋ a bindtuuna 6:35

Yeesu a laya a den ee: «Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw.

Mace 5:6

We nqeexeena too a ngoɗomel o cofel ole Roog a ƭaaya, yaam xan a ngiñ!

Saak 1:12

Oxe saƭikna, yaa ta ɗeetlooxeena, a ɗaaya. Ƭeetlax keene a mbaafangaa, xan a su’nel o ñoow ole Roog a regna we mbexuuna, ta ref o ndip um.

YEGIL MBAAX NE YEESU ne Lik a bindtuuna 1:53

A ci’a we nqeexeena da ñaam boo a ngiñ, soo a rax yaal kalal ke o ƥor.

Mace 5:4

We naqadilooxna a ƭaaya, yaam xan Roog a yaal a den!

Mbeeñil 7:16

Nqeexkataand, ngoɗomkataand too njeeƈ ne mbaat a sumaan ale ñaatlandkatee a den,

YEGIL MBAAX NE YEESU ne Lik a bindtuuna 6:25

Ndaw sabab took nuun, nuun we ñaamna ndiiki boo ngiñ, yaam xan nu nqeexel! Ndaw sabab took nuun, nuun we na njalooxaa ndiiki, yaam xan nu ndef no ƭomatax maak fo xa lool!

1 Korint 4:11

Boo fa ndiik kaa nqeex a maad fa in, xa pud in a ƥac, i yoq ƭuc, muu i ngeenooxna, i njuumel xa ƭong, njoqooyooxaa ndetaa.

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

Esayi 30:19

Wo xeet fee Siyoŋ, wo fee na ñoowaa Yeerusaleem, loolkatiro boo muk. A mbanuu ƴufginooxoona o Yaal oxe, xan a yirmong, ten fa naneerong yaqanu ta jaaɓong.

A kim a tedu ke 107:9

Kaa ci’aa oxe hoɗomeena ta yer, a giñnoortaa o qeexe xe ñaamel pelu.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

Mberaand 21:6

Maaga, Saara a laya yee: «Ey! Roog a fi’anaxam kaa um muuƴooraa, too oxuu yeguuna xan a jalaxam.»

Mberaand 17:17

Abraham a gunga a lanq, a jal, soo a lay taa no yiif um ee: «Mam o ƥiy a reefkaa o cegu xa kiid teemeed? Mee ndax Saara fa xoox um, oxe na xa kiid qarɓeen ɓetuu nahik! Ndax xan a ñootat?»

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

2 Korint 11:27

Kaam genit calel fo coono, genit ƭaanar fo nqeex fo a koɗom. Kaam ñakoogu ñaamel, jogoñeel, ɓaŋdeel.

2 Korint 6:10

naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.

YEGIL MBAAX NE YEESU ne Saŋ a bindtuuna 11:35

Yeesu a naaga ɓusiid, a lool.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

Yeremi 31:25

Yaam xam xeƴnoor we ngoɗomeena, giñnoor fop we nqeexeena.»

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Esayi 66:10

Nuun we mbexna a Yeerusaleem, mbelakinooxyo fo ten, may fo o ɗaay yaam o ten. Nuun fop we ñaawooxoogna yaam taamaala fee dal’uuna, nqaajiryo fo ten ndiiki o ɗaay ole hitatirna.

Esayi 25:6

O Yaal oxe Hupna fop xan a fi’an qeet ke fop mbumbaay took o joong oleene. Mbumbaay a tegeƴ a neeru a refkaa, a yoon fa biiñ fa mbelu, a ref mbumbaay a tegeƴ a moku fa biiñ fa nqoolu qac.

A kim a tedu ke 143:6

Mexe letnaa xa ƥay es farna fa wo, o laaw es kaa hoɗomel a wo nen lanq beeru koroŋ. A maaf

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

A kim a tedu ke 65:4

Ndoq ne no pakaad ke in kaa meɗ dis, ndaa kaa o dontan bo tee qac.

A kim a tedu ke 28:7

O Yaal oxe refu doole es fo pegoor es. Hoolooxaanum no xeeñ es fop, too a ƴufgaxam. Ten taxu, xeeñ es a felakinoox, too kaam gidmitan a kim.

YEGIL MBAAX NE YEESU ne Lik a bindtuuna 6:20

Maaga, Yeesu a faambra fo daalbe we ten, too a jangin a den ee: «Nuun we ñakna halal, nu ƭaaya, yaam Maat ne Roog nuun a refanu!

YEGIL MBAAX NE YEESU ne Lik a bindtuuna 6:22

Boo andoona yee nu sibe mbaat nu ndaxel mbaat nu mbenel mbaat nu mberanel paaxeer kuu refna yaam o Ƥeenqe no kiin oxe, nu ƭaaya.