YEGIL MBAAX NE YEESU ne Lik a bindtuuna 6:13 - NQAARIIT NE ROOG

¹³ Yaa mbeet naa a xoolna, Yeesu a xoya daalbe we ten, too a jil teen xarɓaxay fo ɗik waa ta ne’na apootar, den ndefu weeke:

YEGIL MBAAX NE YEESU ne Lik a bindtuuna 6:13 Referans Kwoze

Mbeeñil 21:14

Saŋe ne na teeru fee koy na ƥil xarɓaxay fo a ƥil a ƭak a diƈooxu. Na ƥil akeene o mat, a kon ake no apootar xarɓaxay fo apootar ɗik we no Mbaal onqe a mbind’e.

Efees 4:11

O ten cooxu wiin we ci’it pogreer ke. Kaa ci leng we, da ndef apootar, wene, ta ci a den, da njo’tanan, waana waawaare Yegil mbaax ne mbaat gaynaak no gimu we mbaat jaajangin.

Mark 6:30

Apootar we a mbokatoora paam Yeesu, a mbetandooxin ke da mbi’’ina fop fo ke da njangin’ina fop.

Mark 6:7

Maaga, a xoya xarɓaxay fo ɗik we, a ref no lulaa a den ɗik-ɗik, a coox a den sañ-sañ took cini ke.

Mace 9:36

Yaa ta ga’na wiin mayu waa, a yuɗ’aan lool, yaam kaa nqij’u too a yogorlooxaa nen paal kaa njegeerna o kaynaak.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mbeeñil 12:1

O anddiloor o maak a feeña na asamaan: Ga’aam o tew oxaa hulooxna njeeƈ ne, a qoor ale a ref ɗuga a caf um, soo a rokoox o ndip onqaa saqna xa qoor xarɓaxay fo xa qoor xa ƭaq.

2 Piyeer 3:2

boo nu mbaag o mbetandoox yegnit padafuleer ke no duleer tedu we yaaga, mbetandoox itam kebil ne no Yaal oxe fo o Muumucil oxe, apootar we nuun a njanginna.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

A pi ake 1:13

Yaa da mbadiidna, a ŋaaya no taax-took naa maa da mer’ina o mbokatoortaa. A ndeeƭa: Piyeer, Saŋ, Saak, Andare, Filip, Tomaa, Bartelemi, Mace, Saak fee o ƥiy Alfe, Simoŋ oxe na xoxtaa saax um fa Yudaa fee o ƥiy Saak.

YEGIL MBAAX NE YEESU ne Lik a bindtuuna 22:30

ndax nu ñaam yer fa mi kam mbind Faap es, moof na kamb, ngate a carind xarɓaxay fo a carind a ƭak ake Isra’el.»

YEGIL MBAAX NE YEESU ne Lik a bindtuuna 11:49

Ten taxu, oxe na xoyeel o Jeg-yiif ole Roog a laya yee: ‹Xam ɓisiid a den duleer fo apootar. Xan a mbar leng we, lakas we da ñagadil a den.›

Mace 19:28

Yeesu a laya a den ee: «No ndigil, mexe layaa a nuun ee: Boo adna fee a sakatineena, soo o Ƥeenqe no kiin oxe a moof kam o ndam onqe no maat ne ten, nuun we ndeefanaxama, xan nu njeg a kamb xarɓaxay fo a kamb a ƭak, too xan nu ngate a carind xarɓaxay fo a carind a ƭak ake Isra’el.

Mace 10:2

A kon ake no apootar xarɓaxay fo apootar ɗik we ndefu: Oxe eetna refu Simoŋ fee na lastiteel Piyeer, soo Andare fee o ndeɓ um a doonoox, cinj kaaga, Saak o ƥiy Sebede fa Saŋ fee o ndeɓ um.

YEGIL MBAAX NE YEESU ne Lik a bindtuuna 6:14

Simoŋ fee Yeesu a feran’ina Piyeer fa Andare fee o ndeɓ um fa Saak fa Saŋ fa Filip fa Bartelemi fa

YEGIL MBAAX NE YEESU ne Saŋ a bindtuuna 4:33

Daalbe we a layra a ndeer den ee: «Too refee yee o kiin kaa futiidin?»