YEGIL MBAAX NE YEESU ne Lik a bindtuuna 6:12 - NQAARIIT NE ROOG

¹² Na pe akaaga, Yeesu a reta took o joong olaa ndax ta xeɗ. A fe’a no xeɗaa a Roog boo neen a feedu.

YEGIL MBAAX NE YEESU ne Lik a bindtuuna 6:12 Referans Kwoze

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

Mark 6:46

Yaa ta nomitna a den, a ŋaaya took o joong olaa, ndax ta xeɗ.

Mark 1:35

No feet olaa ƥiiɓ teel, a soƥ ta maad o niɓaanaa, Yeesu a inooxa a sutoox mbind naa. A reta boo tafil saate faa no mbiñ o mbootu, soo a ref no xeɗaa.

Kolos 4:2

Nuun fop, fat nu njof mbaambir na qeƭ, yokoox teen, ndef no ngidim.

Mace 6:6

Wo koy, ten taxu boo o xeɗaa, roki na ndok of, weg begax ne, soo xeɗ a Faap of fee refna meene na pet, too yaaga xan Faap of fee na ga’aa ke ɗasna a rabdong o ten.

Dañel 6:10

Kaaga a taxa boo o maad Daryus a dalin kebil neene soo a ñaasin.

A kim a tedu ke 22:2

Roog es, Roog es, xar taxu o xaƴaam, goƭaam, fañaam o ƴufgiid soo fañ o nan-giloox a ƭomatax es?

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

Esayi 26:9

O laaw es kaa diilooxang no yeng ole fop, soo yiif es itam a waaƭang kam ee kam es, yaam yaa kate of a mbadnooxkaa took lanq ke, xan we ngenna na adna fee a aqatoox o cofel.

Mace 5:1

Yaa Yeesu a ga’na wiin mayu waa, a ŋaaya took o joong olaa a moof, too daalbe we ten a matiidaan.

Mark 3:13

Cinj kaaga, Yeesu a ŋaaya took o joong olaa, a xoy we ta bugna, too a ngara me ten.

YEGIL MBAAX NE YEESU ne Lik a bindtuuna 5:16

Kaa koy, Yeesu a inooxooga, a ret o mbiñ o mbootu, ndax ta xeɗ.

YEGIL MBAAX NE YEESU ne Lik a bindtuuna 6:11

Den fop a mbuuxa, too a njeetaaya a ndeer den, ndax da ƭeet ne da mbi’kaa a Yeesu.

YEGIL MBAAX NE YEESU ne Lik a bindtuuna 6:17

Maaga, Yeesu a fudoortiida no joong olaa, a gar no joor fee, a yoon fo apootar we ten. Daalbe mayu fo wiin lakas mayu a inooriid’a muu refna na Yudee fo na Yeerusaleem boo no teeru maak kaa Tiir fa Sidoŋ a ndabiid a Yeesu.

YEGIL MBAAX NE YEESU ne Lik a bindtuuna 9:18

Bes, a jopir Yeesu a xeɗaa ten doŋ, too daalbe we ten a ndef maaga, a laamta a den ee: «An wiin we a layaa yee o ten refum?»

YEGIL MBAAX NE YEESU ne Lik a bindtuuna 9:28

A cinj ngap ñaal ɓetuu tadik yaa ta layna fa lay faaga, Yeesu a ɓislooxa a Piyeer fa Saŋ fa Saak, soo a ŋaay took o joong olaa ndax ta xeɗ.

YEGIL MBAAX NE YEESU ne Lik a bindtuuna 9:29

Yaa ta maadna o xeɗaa, a tagid um a suptooxa, too toki ke ten a ndan-ga boo taw.

YEGIL MBAAX NE YEESU ne Saŋ a bindtuuna 6:3

Yeesu a dalfooxa o ŋaay took o joong olaa reeƭna maaga, soo a moof fo daalbe um.