YEGIL MBAAX NE YEESU ne Lik a bindtuuna 6:1 - NQAARIIT NE ROOG

¹ Na pe akaaga, a jopir bes fee na ñootnax ale, Yeesu a xaaña kam xa qol bele. Daalbe we ten a ƥola teen, a ndef no ƈaxaa a den.

YEGIL MBAAX NE YEESU ne Lik a bindtuuna 6:1 Referans Kwoze

A cangatin ale 23:25

«Boo nu nqaañna kam a ƭing taxar biiñ alaa nu njegeerna, nu mbaaga o moɗ boo ndeyƭoox na xa tim axe. Kaa koy, nu njegee sañ-sañ o ƥoor, yip no ƥaxañ nuun.

A paɗax ale 23:7

No ñaal eetaand ne, fat nu njeg o xet o tedu. Nu njalkee dara no ñaal neene.

A sutax ale 12:15

«Kaa nu mbar o ñaamaa puuru canja’e boo ñaal ɓetuu ƭik. No ke na xotitkaa no ñaal eetaand ne, waratee o jeg poɗaxnir no pind nuun. O kiin oxuu ñaamna mbuuru naa fuutuurna, no ke xotitna no ñaal eetaand ne boo no ñaal ɓetuu ƭikandeer ne, fat a sutel xeet fee Isra’el.

A cangatin ale 16:9

«No ke xotitna yaa a saxad ale na bele fee a ropkeel, fat nu lim pes takooxiidu ɓetuu ƭik

A paɗax ale 23:15

«Fat nu lim pes ɓetuu ƭik takooxiidu, nqotit no ñaal naa reefanna bes fee na ñootnax ale refna ref bes fee nu ƥisiid’ina xa yaƥ axe nu eetna o saxad.

YEGIL MBAAX NE YEESU ne Lik a bindtuuna 5:39

O leng yerkee biiñ fa ngiid, soo a lay ee biiñ fa nqas bugum, yaam fa ngiid fee na moƴaa o fel.»

YEGIL MBAAX NE YEESU ne Lik a bindtuuna 6:6

Na bes a ñootnax a lakas, Yeesu a roka kam mbind a qeƭ naa, a jangnaa. A soƥa maaga o koor oxaa o ɓay um o ñamaak a xarna.