YEGIL MBAAX NE YEESU ne Lik a bindtuuna 5:6 - NQAARIIT NE ROOG

⁶ Yaa da ndeɓuuna, a ndama liƥ mayu, too mbaal ne a dalfooxa o ref no ɗegaa.

YEGIL MBAAX NE YEESU ne Lik a bindtuuna 5:6 Referans Kwoze

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

O baawaare xe 11:6

Ten taxu duufi ax of nqes teel, too baa xa ƥay of a ƥutnoox boo yaa Roog a yaarkaa, yaam andiro ke na ñaaƴkaa, kene mbaat kaana, mbaat ƭik ke fop a ñaaƴ.

A pi ake 4:4

Na waxtu faaga, mayu no we nan’ina fa lay fee Roog a ngim’a, boo goor gimu we fop a mbadat ngap cuni ƥetik.

A pi ake 2:41

We njaɓ’ina fa lay um fop a mbatiise’e, too a koom daalbe we a ƥaatoox’a ngap wiin cuni tadik.

YEGIL MBAAX NE YEESU ne Lik a bindtuuna 5:7

Maaga, a caxa yoon den we ndeeƭna no suk lakas ne, ndax da ndimle a den. A ngara, too a yipa suk ƭik ke liƥ bo da may boo a suuxaa.