YEGIL MBAAX NE YEESU ne Lik a bindtuuna 5:34 - NQAARIIT NE ROOG

³⁴ Yeesu a doona a den ee: «Ndax nu mbaaga o ngoornoor we na ngulookaa, yaa o kor-no-kulook oxe a refna fa den?

YEGIL MBAAX NE YEESU ne Lik a bindtuuna 5:34 Referans Kwoze

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

Mace 22:2

«Maat ne na asamaan kaa nand fo o maad oxaa na roofandaa ngulook no ƥeem o ngoor,

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

Esayi 54:5

Oxe sakoonga refu o kor of, oxe gon um a refna o Yaal oxe Hupna fop. O Tedu xe Isra’el refu o baawat of, ten fee na xoyeel Roog fee no lanq ke fop.

A kim ale na kim ake 6:1

Wo fee moƴna o mos no rew we, mam oxe bugoona bug a retu? Kaam ee mam oxe bugoona bug a jagnu, bo i mbaaƭtong o ten?

A kim ale na kim ake 5:8

«Nuun roog we Yeerusaleem, mexe woornan a nuun, nu nga’angaa oxe buguuma bug, fat nu layin ee kaam bugin bo ta jiraam.»

Mace 9:15

Yeesu a doona a den ee: «Ndax we na ngulookaa a mbaaga ñak o sawar yaa o kor-no-kulook oxe a refna fa den? Ñaal ke o kor-no-kulook oxe a refkateerna fa den owe ngaraa, too yaaga xan a ngoor.

YEGIL MBAAX NE YEESU ne Lik a bindtuuna 5:33

Wiin we a laya a Yeesu yee: «Daalbe we Saŋ o Paabatiise xe fo we no Farisiya we a mera o ngooraa, a nqeɗaa, too daalbe we wo o mat a ñaamaa, a yeraa.»

YEGIL MBAAX NE YEESU ne Lik a bindtuuna 5:35

Ñaal ke o kor-no-kulook oxe a refkateerna fa den owe ngaraa, too no ñaal kaaga, xan a ngoor.»