YEGIL MBAAX NE YEESU ne Lik a bindtuuna 5:33 - NQAARIIT NE ROOG

³³ Wiin we a laya a Yeesu yee: «Daalbe we Saŋ o Paabatiise xe fo we no Farisiya we a mera o ngooraa, a nqeɗaa, too daalbe we wo o mat a ñaamaa, a yeraa.»

YEGIL MBAAX NE YEESU ne Lik a bindtuuna 5:33 Referans Kwoze

YEGIL MBAAX NE YEESU ne Lik a bindtuuna 20:47

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

YEGIL MBAAX NE YEESU ne Lik a bindtuuna 18:12

Naagaam o hooraa a caf a ƭak bes fa dakooxiidu fuu refna, cooxtaa a seek xarɓaxayandeer ale na halal es.›

A pi ake 9:11

Maaga, o Yaal oxe a layaan ee: «Inooxi ret na ƭat ale ne’eena a Ƭat a cagu le. Ɗeeti kam mbind Yudaa o koor oxaa ne’eena Sool, a rimel kam teeru faa Tars. Oxaa maaga, a xeɗaa.

YEGIL MBAAX NE YEESU ne Saŋ a bindtuuna 3:25

Daalbe we Saŋ a ñimatira fo o Yaawuur no kaa jofna no njap.

YEGIL MBAAX NE YEESU ne Saŋ a bindtuuna 1:35

No feet olaa ahin Saŋ a maad’a maaga, ten fo daalbe um ɗik.

YEGIL MBAAX NE YEESU ne Lik a bindtuuna 11:1

Bes, Yeesu a xeɗooga o mbiñ. Yaa ta ƴutna, o leng no daalbe waa ten a layaan ee: «O Yaal oxe, jangni a in ne i mbarna o nqeɗtaa, ne Saŋ a jangnituuna daalbe we ten.»

Mark 12:40

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Sakari 7:6

Boo nu ñaamaa, yeraa, mee ndax o mbelakinax nuun taxun.› »

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

YEGIL MBAAX NE YEESU ne Lik a bindtuuna 2:37

ndaa cinj kaaga o ñaaw a reeƭatu. A jeg’a xa kiid qarɓeen ɓetuu tadik fo xa kiid xa nahaq. Inooxoogee no Mbind Roog naa, too a dagooxooga a Roog ñaal fo o yeng, a xeɗaa, a hooraa.

YEGIL MBAAX NE YEESU ne Lik a bindtuuna 5:32

Xoyiidiim wiin jofu we, ndaa baabakaad we, ndax da mbes pakaad den a cinj.»

YEGIL MBAAX NE YEESU ne Lik a bindtuuna 5:34

Yeesu a doona a den ee: «Ndax nu mbaaga o ngoornoor we na ngulookaa, yaa o kor-no-kulook oxe a refna fa den?