YEGIL MBAAX NE YEESU ne Lik a bindtuuna 5:30 - NQAARIIT NE ROOG

³⁰ Farisiya we fo jaajangin we no kebil ke Moyiis mbog’ina na den a nqaadoox’a, too a layaa daalbe we Yeesu yee: «Xar taxu nu ñaamaa yeraa fo we na ndabdinooxaa juuti fo baabakaad we?»

YEGIL MBAAX NE YEESU ne Lik a bindtuuna 5:30 Referans Kwoze

A pi ake 23:9

Coow maak a jeg’a, too leng-leng no jaajangin waa no kebil kaa mbog’ina no Farisiya we a inooxa. Kaa mbuuqoogu yee: «I nga’ee pariƴ leng no kiin oxene, xeƈa a waaga o ref ee yiif faax mbaat malaaka layu fo ten.»

YEGIL MBAAX NE YEESU ne Lik a bindtuuna 19:7

ndaa waa nga’na kaaga fop a ñunqumtilooxooga yee: «Ɗeeti Yeesu a dalik no mbind no koor o paabakaad!»

YEGIL MBAAX NE YEESU ne Lik a bindtuuna 5:21

Yaa jaajangin we no kebil ke Moyiis fo Farisiya we a nanna fa lay faaga, a laya na yiif den ee: «An oo xene na wenaa a Roog? An waagu o waasanit pakaad a refangee Roog?»

YEGIL MBAAX NE YEESU ne Lik a bindtuuna 5:17

Bes, Yeesu a jangnooga. Farisiya we fo jaajangin we no kebil ke Moyiis a moofa paam um, a inoorit no caate kaa Galile fa Yudee boo Yeerusaleem. Doole fee no Yaal oxe a reeƭa fa Yeesu, too a tax’a ta wodandaa jiru we.

Mark 7:3

Farisiya we fo Yaawuur we fop ñaamkee muk, too njapee, ne o mbaax onqe no maak we den a heblituuna.

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

YEGIL MBAAX NE YEESU ne Lik a bindtuuna 7:34

o Ƥeenqe no kiin oxe a gar, a ñaamaa a yeraa, soo nu lay ee: ‹O ñaañaam fo o yeeyer oo, a ref xaariit no we na ndabdinooxaa juuti fo no baabakaad we.›

Mace 5:46

Nu mbexangaa we mbexna a nuun, ndabid num nu mbaru o njeg? Mee ndax we na ndabdinooxaa juuti sax kaa mbi’an!

Mace 9:11

Farisiya waa a nga’a kaaga, too a laya daalbe we yee: «Xar taxu o Caajangin nuun a ñaamaa fo we na ndabdinooxaa juuti fo baabakaad we?»

Mark 2:16

Yaa jaajangin we no kebil ke Moyiis mbog’ina no Farisiya we a nga’na yee Yeesu kaa ñaamoogu fo baabakaad we fo we ndabdinooxoogna juuti, a laamta daalbe we ten ee: «Xar taxu ta ñaamaa fo we na ndabdinooxaa juuti fo baabakaad we?»

Mark 9:16

Yeesu a laamta a den ee: «Na xar nu ñimatiraa fa den?»