YEGIL MBAAX NE YEESU ne Lik a bindtuuna 5:26 - NQAARIIT NE ROOG

²⁶ Wiin waa fop kaa njaaxiɗ’u, a simataa a Roog, too a ndiid. Kaa layoogu yee: «I nga’a xaye kaa a kid in a moseerna o ndoonoox!»

YEGIL MBAAX NE YEESU ne Lik a bindtuuna 5:26 Referans Kwoze

Mace 9:8

Yaa wiin waa a nga’na kaaga, diid a dama a den, too a ƥoxota a Roog o ndam, ten fee ci’na wiin we sañ-sañ fa mbodu neene.

YEGIL MBAAX NE YEESU ne Lik a bindtuuna 7:16

Wiin waa fop kaa ndiid’u no kaaga xew’ina, a simataa a Roog. Wene kaa layoogu yee: «O tuleer o maak a feeña a ndeer in», lakas we a ndamtin na «Roog a fudooxiida, ndax ta wat xeet um.»

A pi ake 4:21

Maaga, a ngartooxahina a den, too a mbokit a den da ndet. Nga’ee na den dara kaa da nqawitna a den, yaam xeet fee fop kaa simatoogu a Roog no ke xewna.

YEGIL MBAAX NE YEESU ne Lik a bindtuuna 8:37

Yaa waa no saax laa no Geegerasin we a nanuuna, a nqetooxiida a Yeesu, soo a nqeɗooxin ndax ta sutoox saax den, yaam kaa ndiid’u lool. Cinj kaaga, Yeesu a roka no suk, ndax ta nomtoox.

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Mark 2:12

Ndak fo ndak, o koor oxaa a inooxa mbaambir no fop, a jang o sar um, soo a xaad. Den fop a njaaxiɗ’a, a simataa a Roog, too a layaa yee: «I mosee o nga nandu neeke.»

Mace 28:8

A ndalfooxa o ndiƈatoox a mboy alaa, a ndiid, too a ƭaay itam. A ƈufa, a yegnikin daalbe um.

Mace 12:23

Wiin waa fop a njaaxɗa, too a lay ee: «Ndax oxene refee o Ndaan Dawid?»

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

Galati 1:24

Maaga, a simata a Roog yaam mi.

YEGIL MBAAX NE YEESU ne Lik a bindtuuna 1:65

We ngenna paam maaga fop a ndiida, too ke xew’ina kaa laytoogel took xa coong axe Yudee.