YEGIL MBAAX NE YEESU ne Lik a bindtuuna 5:24 - NQAARIIT NE ROOG

²⁴ Kaa koy, kaam bug nu and ee o Ƥeenqe no kiin oxe a jega sañ-sañ faa ta waasantaa pakaad na adna fee.» A geleerooxa, a lay o ƥoof oxe yee: «Mexe layang o ten, inooxi jang njong of, too xaad!»

YEGIL MBAAX NE YEESU ne Lik a bindtuuna 5:24 Referans Kwoze

Mbeeñil 1:13

A ndeer den koy a jeg’a oxaa nandtoogna o ƥiy no kiin, a saq sabadoor naa na ɗooqaa fo o qap wurus no ngang um.

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

A pi ake 14:10

Maaga, Pool a layaan a maak ee: «Inooxi! Geenooxi fo a caf of!» Maaga, a naaga daket a inoox, soo a ñaaƴ.

A pi ake 9:40

Piyeer a suta wiin waa fop tafil. Maaga, a gooknooxa, a xeɗ. Cinj kaaga, a faambra fo o dal ole, too a layin ee: «Tabita, inooxi!» O tew oxe a weta a kid um, too ye ta ga’na a Piyeer, a inooxa, a moof.

A pi ake 9:34

Piyeer a layaan ee: «Enee, Yeesu Kiristaa a wodandaang. Inooxi doran a xoox of njong of!» Ndak fo ndak, a inooxa.

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

YEGIL MBAAX NE YEESU ne Saŋ a bindtuuna 11:43

Yaa ta layna kaaga boo a ƴut, a doona teen a maak ee: «Lasaar, sutooxiidi!»

YEGIL MBAAX NE YEESU ne Saŋ a bindtuuna 5:27

A ci’aan itam sañ-sañ faa ta hate’taa, yaam ten refu o Ƥeenqe no kiin oxe.

YEGIL MBAAX NE YEESU ne Saŋ a bindtuuna 3:13

O leng mosee o ŋaay na asamaan, a refangee oxe fudooritna na asamaan, ta ref o Ƥeenqe no kiin oxe genna na asamaan.

YEGIL MBAAX NE YEESU ne Lik a bindtuuna 8:54

Kaa koy, Yeesu a damaan no ɓay, too a lay a maak ee: «O ƥees, inooxi!»

YEGIL MBAAX NE YEESU ne Lik a bindtuuna 7:14

A matiida o dal ole, a duqin, too we saq’uuna a ndalfooxa o ngeenoox. Maaga, Yeesu a laya yee: «O fes ole, mexe layang o ten, inooxi!»

YEGIL MBAAX NE YEESU ne Lik a bindtuuna 5:13

Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a wata.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Mace 26:64

Yeesu a doonaan ee: «Wo ne’un! Too mexe layaa a nuun ee: Xan nu nga o Ƥeenqe no kiin oxe a moof na ñamaak Roog o Yaal katil, soo a garaa took a eel ake, a inoortiid na asamaan.»

Mace 25:31

«Yaa o Ƥeenqe no kiin oxe a garkaa kam o ndam um, a yoon fo malaaka ke fop, xan a moof no gamb no maad le ten jegna o ndam.

Mace 16:13

Yaa Yeesu a fadiidna no jegel olaa Kesare faa Filip, a laamta daalbe um ee: «An wiin we a layaa yee o ten o Ƥeenqe no kiin oxe a refu?»

Mace 9:6

Kaa koy, kaam bug nu and ee o Ƥeenqe no kiin oxe a jega sañ-sañ faa ta waasantaa pakaad na adna fee.» Maaga, a laya o ƥoof oxe yee: «Inooxi, jang njong of, too xaad!»

Dañel 7:13

Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.

YEGIL MBAAX NE YEESU ne Lik a bindtuuna 5:18

Maaga, goor leng-leng a ƥisiida o ƥoof oxaa wondneena no njong. Kaa mbaaƭoogu maa da ndoknituuna na ndok alaa, ndax da lalin a Yeesu.

YEGIL MBAAX NE YEESU ne Lik a bindtuuna 5:23

Xar moƴu yooɓ o layel: ‹Pakaad of a mbaasane›, ndi lay ee: ‹Inooxi ñaaƴ›?