YEGIL MBAAX NE YEESU ne Lik a bindtuuna 5:21 - NQAARIIT NE ROOG

²¹ Yaa jaajangin we no kebil ke Moyiis fo Farisiya we a nanna fa lay faaga, a laya na yiif den ee: «An oo xene na wenaa a Roog? An waagu o waasanit pakaad a refangee Roog?»

YEGIL MBAAX NE YEESU ne Lik a bindtuuna 5:21 Referans Kwoze

Esayi 43:25

Yaqanee koy, mi na fortaa pakaad of yaam oxe refuuma, too wetandooxkatiim tooñ of.

YEGIL MBAAX NE YEESU ne Saŋ a bindtuuna 10:33

Yaawuur we a ndoonaan ee: «A pi a paax taxee i mbugong o ndoom a kac, ndaa yaam wen le wenoona. Woxey refa o kiin, soo fi’ooxaa Roog.»

YEGIL MBAAX NE YEESU ne Lik a bindtuuna 7:49

We ndeer’ina fo ten a layooga taa na yiif den ee: «An oo xene na waasantaa pakaad sax?»

Mace 26:65

Maaga, o saasadax o maak oxaa a dalfooxa faar toki kaa ten, soo a lay ee: «A wena a Roog! Xar i soxla’atu seede? Nu nana wen le ta wenna a Roog.

A kim a tedu ke 32:5

Feeñlaaxoong pakaad es too ɗasniroong tooñ es. Layaam ee: «Xam waasnoox o Yaal oxe njofaƭar es», too waasanaxamo tooñ es fop, donit ndoq ne no pakaad ke mi. A maaf

A paɗax ale 24:16

Oxuu wenna gon le no Yaal oxe, fat a warel. O fog ole no Ii-isra’el we fop fat a mbartin a kac. Ta ref o gataakoon mbaat oxe fogna na xeet fee, fat a xon, yaam ne ta wenna gon le Roog.

O leetar ole Pool a bindna GIMU WE NGENNA ROM 8:33

An saɗu moof a jambaa we Roog a jilna? O leng saɗiran, yaam Roog o mat ɗeetu a den nen jofu.

Dañel 9:19

O Yaal oxe, nan-gilooxi a in! O Yaal oxe, waasani a in! O Yaal oxe, rungi nof of! Wo Roog es, ñofi ƴufig teeru fee fa xeet fee jegoodoona, ndax gon of a niwel!»

Dañel 9:9

Kaa koy, wo o Yaal oxe Roog in, kam yirmande of kaa o waasanaa in, ke i siiknoorna fa wo fop oo.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

A kim a tedu ke 130:4

Kaa koy, a baasan ale oxey fa wo, ndax o saɗarel.

A kim a tedu ke 103:3

O ten na waasantaa tooñ of fop, a wodandaa a cir of fop.

YEGIL MBAAX NE YEESU ne Lik a bindtuuna 5:17

Bes, Yeesu a jangnooga. Farisiya we fo jaajangin we no kebil ke Moyiis a moofa paam um, a inoorit no caate kaa Galile fa Yudee boo Yeerusaleem. Doole fee no Yaal oxe a reeƭa fa Yeesu, too a tax’a ta wodandaa jiru we.

Mace 9:3

Took ɗelem laaga, leng-leng no jaajangin waa no kebil kaa Moyiis a laya na yiif den ee: «O kiin oxene a wena a Roog!»

Mise 7:19

Xan o yirimahin a in, njofaƭar in, o uupin, pakaad in, o joor a den no duf-ee-duf laa no maag olaa.

A kim a tedu ke 35:5

Fat da nand nen ñaax laa a qeñ a maƥna, soo malaaka fee no Yaal oxe a rax a den.

YEGIL MBAAX NE YEESU ne Lik a bindtuuna 3:8

Saqyo boog a pi akaa lalitna yee nu mbesa pakaad nuun a cinj. Ba nu layat na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

YEGIL MBAAX NE YEESU ne Lik a bindtuuna 5:22

Kaa koy, Yeesu a anda a qalaat den, too a laya a den ee: «Xar taxu nu njeg a qalaat akeene na yiif nuun?