YEGIL MBAAX NE YEESU ne Lik a bindtuuna 5:12 - NQAARIIT NE ROOG

¹² Yaa Yeesu a refna na fa leng no teeru kaaga, oxaa a tik-a-maak a damna a ga’aan. Maaga, a gooknooxa mbaambir um, a layin ee: «O Yaal oxe, a felangaang waagaxamo o xooland.»

YEGIL MBAAX NE YEESU ne Lik a bindtuuna 5:12 Referans Kwoze

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

YEGIL MBAAX NE YEESU ne Lik a bindtuuna 17:16

Yaa ta fadiidna maa Yeesu, a diga o gooknoox na caf um, a jookin a njal. Oxeene o Saasamari a reeƭu.

Mace 9:28

Yaa da mbadna no mbind naa, fuul waa a matiida a Yeesu, soo ta lay a den ee: «Ndax nu ngima yee waagaam o fi ke nu nqeɗaxam?» A ndoonaan ee: «O Yaal oxe, waagaano o fi moos!»

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

A kim a tedu ke 91:15

Xan a ƴufginooxaam, too xam jaaɓin. Xam ref fo ten, yaa ta refna na naqad. Xam watin, ɓoxotin o ndam.

Mace 26:6

Yaa Yeesu a refna Betani, kam mbind no yaal a tik-a-maak o ne’e Simoŋ,

A sutax ale 4:6

O Yaal oxe a layahinaan ee: «Ɓeki o ɓay of no naaplaand of.» Naaga, a ɓekaan no naaplaand um. A sutaan, too o ɓay ole a ran-ga taw nen fa liit yaam a tik a maak.

Mberaand 18:14

Ndax a jega kaa xoxna o Yaal oxe. Xam nomtooxiid meen na waxtu feeke mbaan, too xam soƥ Saara a jeg o ƥiy o ngoor.»

1 Caloori ke 21:16

Dawid a yoɗa a kid um, soo a ga malaaka fee reeƭna ndeer took fa lanq a woos laƥ um, a jagin Yeerusaleem. Maaga, Dawid fo maak we nderoox’ina xa saaku a ndalfooxa o ngung a lanq.

2 Maad we 5:1

Naaman, farɓa fa maak fee no maad oxe Araam kaa reeƭu o kiin o maak oxaa o yaal um a wootoox’ina, yaam na pexey oxeene kiin o Yaal oxe a ci’it’u Aa-araam we o ndam. Kaa koy, a salma-koor aleene kaa jeg’u a tik a maak.

1 Maad we 18:39

Ye xeet fee fop a nga’na keene, a ngunga a lanq soo a layaa yee: «O Yaal oxe refu Roog! O Yaal oxe refu Roog!»

Yosuwe 5:14

O koor oxaa a doonaan ee: «Fariim fo leng! Mi refu o aa-adax oxe no xiixire we no Yaal oxe, too kaam sog o fadiidaa.» Yosuwe a dalfooxa o naag giriƥ-riƥ, a gung a lanq soo a layin ee: «Xar o Yaal es a ñaaƴiidu me mi, mi fee o tag um?»

A cangatin ale 24:8

«Fat nu mbootoox a paax, yaa a tik-a-maak a feeñna a ndeer nuun, ngay ndax nu ndeef bargal ke cooxuuma saasadax we ndefna ndef Leelewi we, too da ndaawinkan a nuun.

A paɗax ale 9:24

Fiɗel a sutoora mbaambir no Yaal oxe, a dox sadax fa ndoxel fee fo neeneer ke ndeeƭna took o sadaxand ole. Xeet faa fop a nga’aan too a soroxole’a soo a ngung a lanq.

Mark 5:23

too a ref no xeɗan ee: «O ƥees o ndew onqaay a meeñaa. Gari doonin xa ƥay of, ndax ta wod, too a ñoowatin!»

2 Maad we 7:3

A jeg’a paam o don-maax olaa na teeru faa goor nahuk waa saqna a tik a maak. A layra a ndeer den ee: «Ndax kaa i moofkaa mene boo yaa i nqonitna meen?

2 Maad we 5:27

A tik-a-maak ale Naaman xan a feelong, wo fo xa taan of boo kili.» Yaa Gehasi a inooraa maa Eliise rek, a tik-a-maak alaa a feelaan boo ta ranig taw nen fa liit.

A paɗax ale 13:16

Boo nex ñoow le a suptooxna soo a ran-gat, fat o yaal um a ret maa no saasadax oxaa,

YEGIL MBAAX NE YEESU ne Lik a bindtuuna 5:13

Yeesu a letna o ɓay um, a duqin, too a lay ee: «A felaxam, xooli!» Ndak fo ndak, a tik-a-maak alaa ten a wata.