YEGIL MBAAX NE YEESU ne Lik a bindtuuna 4:5 - NQAARIIT NE ROOG

⁵ O ƈiƴ oxe a ɓisaan took, ndeer ñaf fo ƭeet a lalaan maat ke ndefna na adna fee fop,

YEGIL MBAAX NE YEESU ne Lik a bindtuuna 4:5 Referans Kwoze

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

1 Korint 15:52

Ndeer ñaf fo ƭeet, yaa a luuƥ a palakaand alaa a jibkaa, xan xon we a nqontoox fo cer potkateer, soo in o mat, i suptel.

Mace 4:8

O ƈiƴ oxe a dakooxaan o ɓis took o joong o jigdu lool, a lalin maat ke ndefna na adna fee fo kalal ke den fop,

A kim a tedu ke 73:19

Ey! Ndak fo ndak, xan a maƥel, a mbagiɗ tak, diid a pat a den.

Ke bindeena no xe ne’eena YOB 20:5

o ndam no soxodu xe miñee, o ɗaay no xe a ƭat um a yongeerna na Roog goƭee?

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

1 Korint 7:31

we na njiriiñooraa tig adna, nen waa njiriiñooreeruuna, yaam kaa ke na adna feeke a ref a liim.

Mace 24:14

Xan Yegil mbaax nene no Maat ne Roog a waare’el kam adna fee fop ndax ta ref seede no qeet ke fop. Cinj kaaga, xan muukandoong ne a gar.»