YEGIL MBAAX NE YEESU ne Lik a bindtuuna 4:4 - NQAARIIT NE ROOG

⁴ Yeesu a doonaan ee: «A binde yee: ‹O kiin ñoowitkee ngaaf soom.› »

YEGIL MBAAX NE YEESU ne Lik a bindtuuna 4:4 Referans Kwoze

A cangatin ale 8:3

A cinj coono keene fo a cinj ye ta ñaatlanditna a nuun nqeex, a ci’a a nuun maan fee, ta ref ñaamel kaa nu and’eerna, daan nuun and’iran. Neene, a lala a nuun ee o kiin ñoowitkee ngaaf soom, ndaa fo fa lay fuu sutoorna no don no Yaal oxe.

Mace 4:4

Yeesu a doonaan ee: «A binde yee: ‹O kiin ñoowitkee ngaaf soom, ndaa fo fa lay fuu sutoorna no don Roog.› »

Efees 6:17

Njaɓyo a muc ale Roog, ta ref o maxanda xire nuun. Njaɓyo itam fa lay fee Roog, refna laƥ ne no Yiif le ten.

Mace 6:31

Ba nu njaaxiɗ boog, too ba nu lay ee: Xar i ñaamkaa? Xar i yerkaa? Xar i ñirooxkaa?

A sutax ale 23:25

Mi fee o Yaal oxe Roog nuun soom nu mbaru o ƥoxot tedaanga. Yaaga xam barke a nuun, ci a nuun ñaamel fo yerel soo saytoox a nuun na cir ake.

YEGIL MBAAX NE YEESU ne Lik a bindtuuna 4:10

yaam a binde yee: ‹Xan a heblanong malaaka ke ten ndax da saytooxang›,

YEGIL MBAAX NE YEESU ne Lik a bindtuuna 4:8

Yeesu a doonaan ee: «A binde yee: ‹O Yaal oxe Roog of soom waro faɗoox too dagooxan.› »

YEGIL MBAAX NE YEESU ne Lik a bindtuuna 22:35

Yeesu a layahina a den itam ee: «Ndax nu ñaka tig ye luluuma a nuun, too nu ƥisee nafa mbaat o fof mbaat xa ñaaƭ?» A ndoonaan ee: «Ha’aa. I ñak’ee tus!»

Yeremi 49:11

‹Nqaƴanaamoo xa baan axe nuun, mi na ñoowinkaa a den, too fat ñaaw we nuun a ngoolooxaam.› »

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

YEGIL MBAAX NE YEESU ne Lik a bindtuuna 4:3

Maaga, o ƈiƴ oxe a matiidaan ee: «O refangaa o Ƥeenqe Roog, supti gac leeke ta ref mbuuru.»