YEGIL MBAAX NE YEESU ne Lik a bindtuuna 4:25 - NQAARIIT NE ROOG

²⁵ No ndigil, mexe layahinan a nuun ee: A jeg’a ñaaw mayu Isra’el na jamaane Eliya, yaa a teƥ a jeg’eerna boo xa kiid xa tadaq fa genwal, too biim maak a jega no saax laaga fop.

YEGIL MBAAX NE YEESU ne Lik a bindtuuna 4:25 Referans Kwoze

Saak 5:17

Mbetandooxyo a Eliya! Eliya, o kiin o nandu nen a in a reeƭu. A xeɗ’a a Roog fo xeeñ um fop, ndax deɓkee. Kaa hatna na bes faaga boo xa kiid xa tadaq fa genwal, a teƥ jeg’atee no lanq ke.

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

Mace 20:15

Ndax kaa waagiim o fi na halal es ke buguuma? Ndi o paaxel ole mi kaa feƭarong?›

Esayi 55:8

«A qalaat es mbogree fo a qalaat nuun, too a ƭat nuun a nguutatira fo ake mi.» Keene o Yaal oxe a layu.

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

O leetar ole Pool a bindna GIMU WE NGENNA ROM 9:20

Wo o mat, an refo? Wo fee refna o kiin sang um, soo ñimatiraa fa Roog. Ndax nqaw a naaga o laamtaa o maamax um ee: «Xar taxu o maxtaam neeke?»

O leetar ole Pool a bindna GIMU WE NGENNA ROM 9:15

Yaam Roog a lay’a a Moyiis ee: «Xam yirim oxe buguuma o yirim, muñan oxe buguuma o muñan.»

Mbeeñil 11:6

Yaam seede ɗik weene a njega sañ-sañ faa da mbegitna asamaan fee, ndax a teƥ jegkatee no ñaal ke da mbugko o njo’tanaxam. A njega itam sañ-sañ faa da suptitna foofi fo’oy fa sañ-sañ faa da nqawitna adna fee fop xa ƭomel xa pagkatar a mbanuu ta felna a den.