YEGIL MBAAX NE YEESU ne Lik a bindtuuna 4:23 - NQAARIIT NE ROOG

²³ Yeesu a laya a den ee: «A woora yee nu naxooritkoogaxam o feƭit olene: ‹O baawaadin, wodandi a xoox of.› Xan nu layaam itam ee: ‹I nana ke fi’oona Kapernawum fop, fi’i leng kut ke boog mene refna mbaafaap of.› »

YEGIL MBAAX NE YEESU ne Lik a bindtuuna 4:23 Referans Kwoze

Mark 6:1

Yeesu a inooxa maaga, soo a ret no mbaafaap um, a yoon fo daalbe we ten.

Mace 4:13

A jangoorta na teeru faa Nasaret, soo a geniid Kapernawum, refna paam o maag olaa, no jegel olaa na carind ale Sabulon fo ale Neftali.

2 Korint 5:16

Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.

YEGIL MBAAX NE YEESU ne Saŋ a bindtuuna 4:28

O tew oxe a waasa maaga nqaw naa ten, a digan teeru faa boo a fadiid, soo a lay wiin waa yee:

YEGIL MBAAX NE YEESU ne Lik a bindtuuna 6:42

Mbaat nam waago o layit o kend of ee: ‹O pog es, xaƴi um watnanong njulmbax ne refna na ngid ale wo›, wo fee waageerna o ga a toodook ale refna kam a ngid of? Wo soo ref o yememaar! Pañtu o eet o watin a toodook ale refna na ngid of, soo sogkaa waag o ga a paax ne o watnitkaa njulmbax ne refna kam a ngid no kend of?»

YEGIL MBAAX NE YEESU ne Lik a bindtuuna 4:16

Yeesu a fadiida na teeru faa Nasaret maa ta yarooxna. Na bes fee na ñootnax ale, a roka kam mbind a qeƭ naa ne ta mer’ina o fi’aa. Maaga, a inooxa ndax ta jang a maak.

Mace 13:54

Yaa ta garna no mbaafaap um, a jangnooga kam pind a qeƭ kaa den boo waa nanuuna fop a njaaxiɗ, a laamtataa yee: «Ndi mam a daawtu o and oleene fo a pi katil akeene?

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

YEGIL MBAAX NE YEESU ne Lik a bindtuuna 2:39

Yaa Mari fa Yoseef a ndeefna ke kebil ke no Yaal oxe a simitna fop, a nomtooxa Galile na teeru den refna Nasaret.

YEGIL MBAAX NE YEESU ne Lik a bindtuuna 2:51

Maaga, Yeesu a yoona fa den boo Nasaret, too a nanan’a a den. Ya um a geek’a kaaga fop no xeeñ um.

YEGIL MBAAX NE YEESU ne Lik a bindtuuna 4:31

Yeesu a reta na teeru faa Kapernawum no jegel olaa Galile, a ref no jangnaa na bes fee na ñootnax ale.

YEGIL MBAAX NE YEESU ne Lik a bindtuuna 4:35

Yeesu a ŋala jini fee, a layin ee: «Naagi muut! Sutooxi no kiin oxene!» Maaga, jini fee a deɓa o koor oxaa kam wiin waa, a sutoox no ten, too fi’iran kaa ɗomuuna.