YEGIL MBAAX NE YEESU ne Lik a bindtuuna 4:20 - NQAARIIT NE ROOG

²⁰ Cinj kaaga, Yeesu a afna safe le, a daknin o aa-adax oxaa, soo a moof. We ndeeƭna kam mbind a qeƭ ne fop a naangaan jak a kid, a ƭeetan.

YEGIL MBAAX NE YEESU ne Lik a bindtuuna 4:20 Referans Kwoze

YEGIL MBAAX NE YEESU ne Lik a bindtuuna 4:17

A cooxe safe le no tuleer Esayi. Yaa ta wetuuna, a soƥa teen me ta bindeena yee:

YEGIL MBAAX NE YEESU ne Saŋ a bindtuuna 8:2

Kaa koy, ye a kid a nqoolna a nomtooxa no Mbind Roog naa, soo saax le fop a ngar a ndeerin. Maaga, a moofa, a jangnaa a den.

YEGIL MBAAX NE YEESU ne Lik a bindtuuna 19:48

Kaa koy, njeg’ee pexey naa da mbi’tuuna, yaam xeet faa fop kaa ndeeroogun cay, a nan-gilooxan.

YEGIL MBAAX NE YEESU ne Lik a bindtuuna 5:3

Yeesu a roka no leng no suk ke, too Simoŋ a jeg’un. A layaan ta ret ndeer o maag ole. Yeesu o mat kaa moof’u kam suk ne, soo a jangnaa faan le.

Mace 26:55

Na waxtu faaga, Yeesu a laya faan laa yee: «Kaa nu ngaraa, mbi nen waa na mbelaa o kuuɗ, saq laƥ fo xa ƭong ndax nu ndamaam. Yaag oo toox de, bes fuu refna a ndeer nuun moofoogum, jangnaa kam Mbind Roog ne, too nu ndam’iraam.

A pi ake 16:13

Na bes faa na ñootnax alaa, i sutooxa teeru faa, ndet farna fo a ƥeeraamb alaa no maag o maas olaa, i nqalaat’ina yee xan i soƥ maaga o xeɗand no Yaawuur we. I moofa, too ndef no layaa fo rew waa mbokatoor’ina maaga.

A pi ake 3:12

Ye Piyeer a ga’na kaaga, a laya xeet faa yee: «Nuun wiin we Isra’el, xar taxu nu njaaxiɗ no kene? Xar taxu nu naang a in jak a kid, wee ndax na sañ-sañ a qoox in mbaat na teef ale i ndeefaa a Roog i ñaaƴnoortu o qoyene?

Mace 27:60

A ɓekaan kam a mboy a qas alaa ta sexood’ina no ɓil. A berenga ɓil maak, ndax ta wegtin ndokand naa na mboy alaa.

YEGIL MBAAX NE YEESU ne Lik a bindtuuna 4:21

Maaga, a fera o lay a den ee: «Xaye fa lay feene na Pind ake nu nanna a fadnooxa.»