YEGIL MBAAX NE YEESU ne Lik a bindtuuna 4:18 - NQAARIIT NE ROOG

¹⁸ «Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

YEGIL MBAAX NE YEESU ne Lik a bindtuuna 4:18 Referans Kwoze

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

YEGIL MBAAX NE YEESU ne Lik a bindtuuna 7:22

Yeesu a doona a den ee: «Ndetyo mbetandoox a Saŋ ke nu nga’na fo ke nu nanna. Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

Esayi 42:7

Xan o wet a kid no we mbuulna, wat we ndameena, soo we ngenna no niɓaan ole, o sut a den no ngupuus onqe da ndefna.

YEGIL MBAAX NE YEESU ne Saŋ a bindtuuna 12:46

Kaam gar na adna feeke nen a qoolaand, ndax oxuu gimna na mi, genkee no niɓaan ole.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Kolos 1:13

Ten o mat muclu a in no niɓaan o jegu doole le, a ɓek a in no Maat no Ƥeem onqe ta fexna,

Mace 4:16

xeet feene moofna no niɓaan ole a nga’a a qoolaand a maak. Took no waa moofna kam a pelyook ale na fa nqon fee, a qoolaand a yoɗooxa.»

Esayi 32:3

A kid ake no we na nga’aa niifaarkatee, too we na nanaa xan a ndung nof den, a nan-giloox a paax.

A kim a tedu ke 147:3

O Yaal oxe na wodandaa we a qeeñ den a naqadilooxna, a laxasaa kaañax den.

Esayi 35:5

Maaga, fuul we xan a nga’ataa a qool qac, nof ke no ram we a mbetoox,

Mace 5:3

«We ñakna halal yiif a ƭaaya, yaam Maat ne na asamaan den a refanu!

YEGIL MBAAX NE YEESU ne Lik a bindtuuna 6:20

Maaga, Yeesu a faambra fo daalbe we ten, too a jangin a den ee: «Nuun we ñakna halal, nu ƭaaya, yaam Maat ne Roog nuun a refanu!

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

YEGIL MBAAX NE YEESU ne Saŋ a bindtuuna 3:34

Oxe Roog a lulna, a ƭelem Roog a layaa, yaam Roog naagee o hendaƭooxaa yaa ta ci’taa Yiif le ten.

Esayi 59:21

O Yaal oxe kaa tee: «Keeke refu ngiɓoor ne dalnuuma fa den: Yiif es le fudooxna na wo fo fa lay es fee ɓekuuma no don of, suqitkiim a den no don of muk mbaat no don na xa ƥeef mbaat no don na xa taan of no ke xotitna ndiiki boo faw. Mi o mat layun.»

Esayi 50:4

O Yaal oxe na refkaa boo faw a ci’axam a layoorooƭ ale no daalbe we, ndax um and nam warum o saƭakinit o neewu doole xe. Nqes nuu refna kaa wetaa nof es, ndax um nan-giloox nen daalbe we.

A kim a tedu ke 102:20

yaam kaa rungnooxit no mbiñ o tedu nqe ten took-ee-took, a fod na asamaan, a ɗeetaa lanq ke,

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Esayi 49:9

lay we ndameena yee: ‹Sutooxyo!›, soo we ndefna no niɓaan ole, o lay a den ee: ‹Mbeeñyo!› Xan a mbaag o suuf kam a ƭat ale too xan a njeg xa suufand na xa coong axe naangna halit.

Esayi 45:13

Kam o cofel es, mi hebliidu oxeene nu andna. No kuu ta rokna, xam yooɓandanin o ten. Ten na maxatinkaa a Yeerusaleem fee teeru es, a xaƴ wiin es we ndameena mbaƭ da nqaad, too laamitkee a bateer den mbaat nger.» Keene o Yaal oxe Hupna fop a layu.

A kim a tedu ke 34:18

Jofu we a ƈufginooxangaa, o Yaal oxe kaa nanaa a den soo a sut a den no naqad den fop.

A kim a tedu ke 2:6

«Mi dalnu o maad es took Siyoŋ fee o joong o tedu le mi.»

Sofoni 3:12

Xam xaƴ me wo xeet fa neewandooxu fa ñaku doole, faa na bugko jaɓnooraa gon es, mi o Yaal oxe.

A kim a tedu ke 2:2

Kaam ee xar taxu maad we na adna fee a mbapoox, kelfa ke a ngukranaa o Yaal oxe fo xe ta ɗuumna?

YEGIL MBAAX NE YEESU ne Saŋ a bindtuuna 1:41

Andare a eeta o fad maa Simoŋ fee o maag um, soo a layin ee: «Yegaa fo and ee i nga’a Oxe Roog a dodna.» (Kaa tekit ‹Kiristaa fee›.)

Mace 12:20

Patkee o siind ole ɓolooxna, too ñufkee o jam ole na ƥoñaa boo yaa ta dalinkaa o cofel ole Roog.

A kim a tedu ke 51:17

O Yaal oxe, weti muuceek es, ndax o don es a simatong.

Sakari 11:11

A koom ngiɓoor ne a ɗegu. Teefaŋke ke ngoroogaxama a and’ata yee o Yaal oxe hebil’axam ke fi’ooguuma.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

A pi ake 4:27

A woora yee, na teeru feeke Herood fa Poons Pilaat, den fo a saax ake fa xeet fee Isra’el a ngukranit’u a Yeesu fee o tag o tedu xe wo ɗuumoona nen o Muumucil oxe regteena.

A kim a tedu ke 45:7

Uum-maamaad le wo de Roog xan a ref boo faw, o cofel rek o maadooritkaa maat ne wo.

2 Caloori ke 34:27

boo ta duq xeeñ of. Neewandooxaa mbaambir Roog, ye nanoona ke ta fosooxan’ina o mbiñ onqene fo we ngenna teen. Neewandooxaa mbaambir es, faar toki of, lool ciic mbaambir es. Ten taxu mi o Yaal oxe, mexe yegnang ee nanaaxoong.

Mace 12:18

«O tag es oxe jiluuma oxey! O ten fexum, too no ten o laaw es a felakinoortu. Xam ɓek Yiif es no ten, ta yegin qeet ke o cofel.

YEGIL MBAAX NE YEESU ne Lik a bindtuuna 4:17

A cooxe safe le no tuleer Esayi. Yaa ta wetuuna, a soƥa teen me ta bindeena yee:

A pi ake 4:26

Kaam ee xar taxu maad we na adna fee a mbapoox, kelfa ke a ngukranaa o Yaal oxe fo xe ta ɗuumna?›