YEGIL MBAAX NE YEESU ne Lik a bindtuuna 4:14 - NQAARIIT NE ROOG

¹⁴ Maaga, Yeesu a gatooga kam Galile, too a maya fa doole fee no Yiif Tedu le. Gon um a joot’a no jegel olaaga fop.

YEGIL MBAAX NE YEESU ne Lik a bindtuuna 4:14 Referans Kwoze

A pi ake 10:37

Nu anda ke xew’ina kam o jegel olaa Yudee fop. Keene kaa inoor’u na Yeesu o Naanasaret oxe ye ta jangoorna Galile, a soƥ Saŋ a waare’aa, a batiise’aa. Nu anda itam ne Roog a ɗuumit’ina a Yeesu feene, a soɗin Yiif Tedu le, ta retaa a ndeer saax fo saax, a fi’aa paax, too a wodandaa we ndeeƭna no mbaƭ ne no ƈiƴ oxe, yaam ne Roog a reeƭna fo ten.

Mace 4:12

Yaa Yeesu a nanna yee Saŋ a ɓeke kaso, a reta no jegel olaa Galile.

YEGIL MBAAX NE YEESU ne Saŋ a bindtuuna 4:43

Cinj ñaal ƭik kaaga, Yeesu a inoorta maaga, a ret Galile.

YEGIL MBAAX NE YEESU ne Lik a bindtuuna 4:37

Gon le Yeesu a joota na saax akaa matna maaga fop.

Mark 1:28

Ndak fo ndak, gon le Yeesu a joota kam o jegel olaa Galile fop.

Mark 1:14

Cinj yaa Saŋ a ɓekeena kaso, Yeesu a reta kam o jegel olaa Galile, a waare’aa Yegil mbaax ne hatna na Roog.

Mace 9:26

Ke xew’ina a nannooxa boo kam caate kaa matna maaga fop.

Mace 9:31

Kaa koy, yaa wiin waaga a sutooxna, a ndalfooxa o laytaa gon um no caate kaa mbidna maaga fop.

YEGIL MBAAX NE YEESU ne Lik a bindtuuna 4:13

Yaa o ƈiƴ oxe a foguuna no hep oluu refna, a riƈatooxa a Yeesu koƭu, a waasafulin.