YEGIL MBAAX NE YEESU ne Lik a bindtuuna 4:1 - NQAARIIT NE ROOG

¹ Yaa Yeesu a inoorna no xuluɓ ole Yordaan, a gataa, a maya fo Yiif Tedu le. Yiif le a ɓisaan na koƥ-a-ƥor alaa.

YEGIL MBAAX NE YEESU ne Lik a bindtuuna 4:1 Referans Kwoze

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

YEGIL MBAAX NE YEESU ne Saŋ a bindtuuna 3:34

Oxe Roog a lulna, a ƭelem Roog a layaa, yaam Roog naagee o hendaƭooxaa yaa ta ci’taa Yiif le ten.

YEGIL MBAAX NE YEESU ne Saŋ a bindtuuna 1:32

Saŋ a dakooxaan o seede’an ee: «Kaam ga Yiif le Roog a fudoortiidaa na asamaan, a saxit nen a nuukuur, soo a gar a dong took um.

Mace 3:16

Yaa Yeesu a batiise’eena boo a ƴut, a sutooxa foofi laa. Asamaan fee a wetooxa too a ga’a Yiif le Roog a fudooxiidaa took um, a saxit nen a nuukuur.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

YEGIL MBAAX NE YEESU ne Lik a bindtuuna 4:14

Maaga, Yeesu a gatooga kam Galile, too a maya fa doole fee no Yiif Tedu le. Gon um a joot’a no jegel olaaga fop.

A pi ake 8:39

Ye da sutooxna foofi laa, Yiif Tedu le a gifa a Filip. Jawdiin faa ga’atiran, ndaa a xota a ƭat um, a ɗaay bo.

1 Maad we 19:4

Cinj kaaga, a ñaaƴa ñaal muum kam a koƥ-a-ƥor ale, a ret a moof ɗuga mburndu. Fa nqon doŋ a xeɗoogatu, a layaa yee: «Ndiiki koy, o Yaal oxe, deyƭataam sik! Xuufi o ñoow es, yaam moƴiim daan es.»

A pi ake 1:2

boo neen Roog a yoɗun na asamaan, cinj ye ta cooxna apootar we ta jil’ina bargal ke ten na pexey Yiif Tedu le.

YEGIL MBAAX NE YEESU ne Lik a bindtuuna 2:27

Maaga, Yiif Tedu le a ɓakandaan no Mbind Roog naa. Yaa we ndimna a Yeesu o nqeq onqe a ƥisiiduuna, ndax da mbadin ke kebil ke a simitna,

YEGIL MBAAX NE YEESU ne Lik a bindtuuna 3:3

Saŋ kaa retoogu no caate kaa mbidna o xuluɓ ole Yordaan fop, a waare’aa. Kaa layoogu yee: «Mbesyo pakaad nuun a cinj, mbatiise’el, too xan Roog a waasan a nuun.»

1 Maad we 18:12

Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.

YEGIL MBAAX NE YEESU ne Lik a bindtuuna 3:38

Kenaan a ref o ƥiy Enos, Enos a ref o ƥiy Set, Set a ref o ƥiy Aadama, Aadama ref o ƥiy Roog.