YEGIL MBAAX NE YEESU ne Lik a bindtuuna 3:7 - NQAARIIT NE ROOG

⁷ Wiin mayu a ngara maa Saŋ, ndax da mbatiise’el. Kaa koy, Saŋ a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

YEGIL MBAAX NE YEESU ne Lik a bindtuuna 3:7 Referans Kwoze

Mace 23:33

Nuun soo ndef fo nqisiil fo wiin sabab! Nam nu mbaagu o ndaɗit a qaw ale na fiɗel laa ñufkeerna?

1 Tesalonik 1:10

cungaa yaa o Ƥeenqe ten a inoortiidkaa na asamaan. O Ƥeem onqeene koy, Roog a xontooxnooraan a ndeer no xon we. Ten refu Yeesu fee na wataa a in na qaw ale Roog na garaa.

Mace 12:34

Nuun soo ndef fo nqisiil! Nam nu mbaagu o layit tig paax too soxod boo ƈaxooxaa? O don ke refna no xeeñ soom a layaa.

Esayi 59:5

Kaa ƥopaa a ƥoof fangool, a ndiwaa pog a porxolaac. Oxuu ñimna a ƥoof den a ñak o ñis um, too owaa mboƈtooxaa, sax a sutoor teen.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

A pi ake 13:10

«Wo fee mayna fo naanaxir fo coxod ƥor, ref o ƥiy no ƈiƴ oxe, fañaa o cofel ole, ndax kaa waagiro waas a pi ake Roog o ñufaa?

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Mace 3:6

Saŋ a batiise’ooga a den kam Yordaan, yaa da mbeejilna pakaad den boo a ƈut.