YEGIL MBAAX NE YEESU ne Lik a bindtuuna 3:23 - NQAARIIT NE ROOG

²³ Yeesu a jeg’a ngap xa kiid qarɓeen tadik, soo a sogkaa o waare’aa. Kaa nand’u wiin we yee Yeesu refu o ƥiy Yoseef, Yoseef a ref o ƥiy Eeli, Eeli a ref o ƥiy Matat,

YEGIL MBAAX NE YEESU ne Lik a bindtuuna 3:23 Referans Kwoze

Mace 13:55

Ndax kaa refee o ƥeenqe no taadaaƴ oxe? Andum refee o ƥeenqe Mari, too Saak fa Yoseef fa Simoŋ fa Yudaa a ndef xa teɓ um?

A lim ale 4:3

nqotit no we njegna xa kiid qarɓeen tadik a jof took boo no we njegna xa kiid qarɓeen ƥetik. Ndetkee na xire, ndaa fat a mbadnaa o far den kam Ƭiif ne um xetteel, mi o Yaal oxe.

A pi ake 1:1

O koor es Tewofiil, mi o mat layaam no safe eetaand es ke Yeesu a ferna o fi, a jangnin fop, xotitna no mberaandoong naa,

YEGIL MBAAX NE YEESU ne Saŋ a bindtuuna 6:42

A laya yee: «Andum tiye kaa refatee Yeesu fee o ƥiy Yoseef, rimeena na kid in, baa um oo ya um oo, fop i and a den? E, nam a waagu o layit boog ee: ‹Na asamaan fudoorum›?»

YEGIL MBAAX NE YEESU ne Lik a bindtuuna 4:22

Fop kaa seede’anoogun, too fa lay fa nqoolu fee sutoorit’ina no don um a bet’a a den. Yaqanee koy da laamtiraa yee: «Ndax kaa refee o ƥiy Yoseef?»

Mark 6:3

Ndax refee o taadaaƴ oxe, o ƥeenqe Mari, o maag oxe Saak fa Yoose fa Yudaa fa Simoŋ? Ndax jigeen we ten ngenee fa in mene?» Kaaga a yaqan’a a den da ngim no ten.

Mace 4:17

Na jamaane faaga, Yeesu a fera o waare, a lay ee: «Mbesyo pakaad nuun a cinj, yaam Maat ne na asamaan a matiida.»

Mace 1:16

Yakoob rimu a Yoseef, o fes Mari fee refna ya Yeesu, too ta xoyeel Kiristaa fee o Muumucil oxe regteena.

Mberaand 41:46

Yoseef koy, xa kiid qarɓeen tadik a jeg’u ye ta retaa maa Firawon fee o maad Misira. A inoora me Firawon soo a wid saax le Misira fop.

YEGIL MBAAX NE YEESU ne Lik a bindtuuna 3:31

Eliyakim a ref o ƥiy Meleya, Meleya a ref o ƥiy Mena, Mena a ref o ƥiy Matata, Matata a ref o ƥiy Natan, Natan a ref o ƥiy Dawid,

Mace 1:6

Isay rimu o maad Dawid, soo Dawid a rim fo xaa reeƭna o tew Uriya a Salomo.

Mace 1:1

Daan we Yeesu Kiristaa fee refna o ndaan Dawid fo o ndaan Abraham a mbinde no safe leeke. Daan weene ndefu:

2 Sami’el 5:4

Dawid a jeg’a xa kiid qarɓeen tadik, ye ta sogna o refaa o maad, soo a maadoox xa kiid qarɓeen nahik.

YEGIL MBAAX NE YEESU ne Lik a bindtuuna 2:48

Yaa faap umiin a nga’uuna, kaaga a bet’a a den. Maaga, ya um a layaan ee: «O ƥees, xar taxu o fi a in kene? Mi fa faap of kaa i mbaaƭong boo nof in a mboɗaxat.»

YEGIL MBAAX NE YEESU ne Saŋ a bindtuuna 1:45

Filip oo, a xeta fa Natana’el, soo a layin ee: «I nga’a oxe Moyiis a bindna no kebil ke, duleer we a lay kaa jofna no ten, ta ref Yeesu o Naanasaret oxe, o ƥiy Yoseef.»