YEGIL MBAAX NE YEESU ne Lik a bindtuuna 3:16 - NQAARIIT NE ROOG

¹⁶ Kaa koy, Saŋ a laya a den den fop ee: «Mi, mexe batiise’taa a nuun foofi, ndaa oxe na garaa moƴaxam o jeg doole, too fekit xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

YEGIL MBAAX NE YEESU ne Lik a bindtuuna 3:16 Referans Kwoze

A pi ake 1:5

Mee ndax Saŋ, foofi a batiise’toogu, ndaa nuun koy, ndeer mene fo a pe a mayeer, xan nu mbatiise’tel Yiif Tedu le.»

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

YEGIL MBAAX NE YEESU ne Saŋ a bindtuuna 1:33

Mosinum o and, ndaa oxe luliidaxama ndax um batiise’it foofi kaa lay’aam ee: ‹Oxe Yiif le Roog a dongkaa took um yaa ta fudooritna na asamaan refu oxe na batiise’itkaa Yiif Tedu le.›

YEGIL MBAAX NE YEESU ne Saŋ a bindtuuna 1:26

Saŋ a doona a den ee: «Mi, mexe batiise’taa foofi. A jega koy oxaa refna a ndeer nuun, too nu andiran.

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Esayi 32:15

Neene a refitkaa boo yaa o Yaal oxe a fudinkaa took in Yiif um. Maaga, a koƥ-a-ƥor ale xan a ref nen a ƭing, soo a ƭing ale a nand fo suungaan niɓu.

Esayi 4:4

Yaa o Yaal oxe a fortitkaa Yiif o cofel fo fiɗel ndoƭ ke na xa ƥiy xa tew axe Siyoŋ, soo a ɓogditin a Yeerusaleem no fo’oy le ɓaxuna teen,

Xa peƭit axe 1:23

Nomtooxiidyo me mi, um soq a nuun! Yaaga xam picit yiif es na nuun, andnoor a nuun fa lay es.

A pi ake 2:33

Roog a yoɗaan fo a ñamaak um, ta daawit na Faap fee Yiif Tedu le regit’eena. Yeesu a fudniidaan, ne nu nga’tan fo ne nu nantan.

YEGIL MBAAX NE YEESU ne Saŋ a bindtuuna 7:38

Oxuu gimna na mi, xan a cur foofi kaa na ñoownaa a mbalit kam um, ne a Pind a Tedu ke a laytuuna.»

A pi ake 10:44

Ye Piyeer a maadna o layaa kaaga, Yiif Tedu le a fudooxa took no fop we nan-gilooxoogna waare fee ten.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Mace 3:12

A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»

YEGIL MBAAX NE YEESU ne Saŋ a bindtuuna 1:27

Ten refu oxe na reefaniidaxam, too fekit xa ñaaƭ um sax a jombaxam.»