YEGIL MBAAX NE YEESU ne Lik a bindtuuna 3:13 - NQAARIIT NE ROOG

¹³ A doona a den ee: «Ba nu ndabdinoox kaa hupna ke nu simeena.»

YEGIL MBAAX NE YEESU ne Lik a bindtuuna 3:13 Referans Kwoze

1 Korint 6:10

guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

Efees 4:28

Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.

Mace 7:12

Kuu nu mbugna wiin we a mbi’an a nuun, mbi’aneenoo a den, yaam keene fadandu kebil ke Moyiis fo ke duleer we a mbindna.»

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

A kim a tedu ke 18:23

Kaam gayaa bargal ke ten fop too deɓiim kebil ke ten.

YEGIL MBAAX NE YEESU ne Lik a bindtuuna 3:12

Leng-leng no waa ndabdinooxoogna juuti a ngara maa Saŋ, ndax da mbatiise’el, too a laamtaan ee: «O Caajangin oxe, xar i mbaru o mbi?»

YEGIL MBAAX NE YEESU ne Lik a bindtuuna 3:14

Yaa xiixire waa a nanna kaaga, a laamtaan ee: «In o mat, xar i mbaru o mbi?» A doona a den ee: «Ba nu lalit o hup doole, too ba nu nax o kiin, ndaa ndayyo nday no ndabid nuun rek.»