YEGIL MBAAX NE YEESU ne Lik a bindtuuna 3:11 - NQAARIIT NE ROOG

¹¹ Saŋ a doona a den ee: «Oxuu jegna toki ƭik, fat a coox teen leng oxe jegeerna, oxe jegna kaa ta ñoowitna, a xaajir fo xe jegeerna.»

YEGIL MBAAX NE YEESU ne Lik a bindtuuna 3:11 Referans Kwoze

1Saŋ 3:17

O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

1Saŋ 4:20

O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Dañel 4:27

too a laya yee: «Ndax meeke refee Babilon fa maak fee maxtuuma doole es, ta ref teeru no maad fee mi, a laltaa o niwel es fo o ndam es?»

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

A pi ake 10:31

a layaam ee: ‹Korney, Roog a nana a qeƭ of, too a wetandooxa sadax ke o fi’aa.

A pi ake 10:4

Korney a naaga malaaka faa jak a kid kam a kid, a diid bo. A doonaan ee: «O Yaal oxe, xar oo koy?» Maaga, malaaka fee a layaan ee: «A qeƭ ake wo fo sadax ke wo a mbadiida boo mbaambir Roog, too a wetandooxa a den.

A pi ake 10:2

O koor oxaaga kaa reefoogu a Roog, a saɗarin, ten fo ƥasil um fop. Kaa dimle’oogu rool mayu ndeer no Yaawuur we, soo a gen no xeɗaa a Roog kili.

YEGIL MBAAX NE YEESU ne Saŋ a bindtuuna 13:29

Ne Yudaa a geekoogna xaaliis fee da njegoogna, a tax’a lakas we a mboogaa yee Yeesu kaa layin soom ee: «Jiki ke i soxla’na na xew fee», mbaat ta siman ta dimle teen rool we.

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

Heseki’el 18:7

Ñoowitkee onj no kiin, a daknaa ke ta tayle’eena no lad, guuɗkee, a ci’aa o qeexe xe ta ñaam soo a ñiraa o ƥangde xe.

Efees 4:28

Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Saak 2:14

Fog es, o kiin a layangaa yee a gima na Roog, too naagee o fi’aa a pi a paax, ndax kaaga a waagaan o mucil?