YEGIL MBAAX NE YEESU ne Lik a bindtuuna 24:51 - NQAARIIT NE ROOG

⁵¹ Yaa ta barke’aa a den, a riƈatooxa a den, Roog a yoɗin na asamaan.

YEGIL MBAAX NE YEESU ne Lik a bindtuuna 24:51 Referans Kwoze

A pi ake 1:9

Cinj yaa Yeesu a layna kaaga, a dalfooxa o yoɗoox na kid den, too ye da ƭeetan, eel a singaan.

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

2 Maad we 2:11

Ye da maadna o ñaaƴaa, a layaa, a sareet fiɗel alaa humneena pis fiɗel a dalfooxa o gar, a xaaj a den. Maaga, Eliya a ŋaaya na asamaan kam a saaqul.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

Mark 16:19

Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

YEGIL MBAAX NE YEESU ne Lik a bindtuuna 24:50

Yeesu a ɓisa a den boo Betani, too a yoɗa xa ƥay um, a barke a den.

YEGIL MBAAX NE YEESU ne Lik a bindtuuna 24:52

Den o mat, a mbaɗooxaan soo a nomtoox Yeerusaleem fo o ɗaay o maak,