YEGIL MBAAX NE YEESU ne Lik a bindtuuna 24:50 - NQAARIIT NE ROOG

⁵⁰ Yeesu a ɓisa a den boo Betani, too a yoɗa xa ƥay um, a barke a den.

YEGIL MBAAX NE YEESU ne Lik a bindtuuna 24:50 Referans Kwoze

A pi ake 1:12

Maaga, apootar we a nomtooxiida Yeerusaleem, a inoortiid no joong olaa xoyoogeena o Joong ole no taxar oliiw kaa, reeƭna paam Yeerusaleem. O koƭel um a fodir’a fo ke ci’teena o ñaaƴel na bes fee na ñootnax ale.

Mace 21:17

Yeesu a waasa a den maaga, soo a sutoox, a ret a fe’ik na saate faa Betani.

Mberaand 49:28

Weene ndefu a carind xarɓaxay fo a carind a ƭak ake mbokatoorna, a ndef xeet fee Isra’el, too keene refu ke faap den a layna a den ye ta barke’aa a den. A barke’a a den oxuu refna no xos barke um.

Mark 11:1

Yaa da mbadiidna Betfage fa Betani farna fo Joong olaa no taxar oliiw kaa paam Yeerusaleem, Yeesu a lula ɗik no daalbe we ten,

Mark 10:16

Cinj kaaga, a ɓopa a den, a doon oxuu refna xa ƥay, soo a barke a den.

Mberaand 48:9

Yoseef a doonaan ee: «Xa ƥees axe Roog a ci’axama meeke yoo.» Isra’el a layaan ee: «Matandiidaam a den ngela, boo um barke a den.»

Mberaand 27:4

Fat o jawanaam o ten njaw mbelu ne bugtanuuma, soo ɓisiidaam o ten, um ñaamin, ndax um barke’ong bo um helko fo xonaa.»

A paɗax ale 9:22

Aaroon a yoɗa xa ƥay um farna fa xeet faa, a barke a den, soo a fudoox a cinj ye ta ɓoxotna sadax fa mbaasnoor pakaad fee fa sadax fa ndoxel fee fa sadax fa njamsa’oor fee boo a ƴut.

Yosuwe 22:6

Cinj kaaga, Yosuwe a barke’a a den soo a xaƴ a den da nqaad.

YEGIL MBAAX NE YEESU ne Lik a bindtuuna 24:51

Yaa ta barke’aa a den, a riƈatooxa a den, Roog a yoɗin na asamaan.

A pi ake 1:9

Cinj yaa Yeesu a layna kaaga, a dalfooxa o yoɗoox na kid den, too ye da ƭeetan, eel a singaan.

1 Timote 2:8

Yaaga boog, kaam bug boo goor we a nqeɗaa muu da ndefna ndef, da ndekaa xa ƥay xa qoolu, too a mbaas fuux fo a qalaat a paaxeer.