YEGIL MBAAX NE YEESU ne Lik a bindtuuna 24:5 - NQAARIIT NE ROOG

⁵ Rew we a ndiid’a lool, too a ngunga a lanq. Kaa koy, goor we a laya a den ee: «Xar taxu nu mbaaƭaa oxe na ñoowaa a ndeer no xon we?

YEGIL MBAAX NE YEESU ne Lik a bindtuuna 24:5 Referans Kwoze

Mbeeñil 1:18

fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

Dañel 10:16

Maaga, mbindeef lakas naa nandtoogna o kiin a gara, a duq muuceek es, too yaƥatatinaam soo lay oxe geenoox’ina mbaambir es ee: ‹O yaal es, mbeeñil ne kaa ɓis o laaw es, too jegatiim o njembe.

Hebre 7:8

Xa taan axe Lewi ndefna we na ndaawaa a seek xarɓaxayandeer ale, kaa ndef wiin waa na nqonaa, ndaa oxeene o mat, daaw’ina a las aleene, oxe ñoowaa, ne a Pind a Tedu ke a seede’tuuna.

Dañel 10:19

Cinj kaaga, a layaxam ee: ‹O koor oxe Roog a fexna, ba o saɗar! Dara damkirang! Saƭakinooxi, jeg njambaar!› Ne ta layoogna fa mi, doole es a nomtooxiida, too layaam ee: ‹O yaal es, layi, yaam saƭakinaxamo.›

YEGIL MBAAX NE YEESU ne Lik a bindtuuna 1:29

Mari a jomi’’a lool na fa lay faaga, too a misiirooga ke kaaga a tekit’ina.

YEGIL MBAAX NE YEESU ne Lik a bindtuuna 24:4

Rew we and’ee ke da mbar’ina o mbi. Maaga, goor ɗik a mbeeñooxa a den, a saq toki kaa na meleƈaa.

YEGIL MBAAX NE YEESU ne Lik a bindtuuna 24:6

Refatee mene, a xontooxa. Mbetandooxyo ne ta layit’uuna a nuun ye ta refna Galile.

A pi ake 2:24

Kaa koy, Roog a xontooxnooraan, too a muclin na xa ƭomel axe fa nqon a ataa, yaam fa nqon waag’iran o jeng na sañ-sañ um.