YEGIL MBAAX NE YEESU ne Lik a bindtuuna 24:48 - NQAARIIT NE ROOG

⁴⁸ Seede nu ndefu no keene fop.

YEGIL MBAAX NE YEESU ne Lik a bindtuuna 24:48 Referans Kwoze

A pi ake 13:31

No ñaal mayu a feeñooxooga we yoonoogna fo ten, a inooraa Galile, a ndetaa Yeerusaleem. Weene mat ndefatu seede um ndiiki paam xeet fee.

A pi ake 5:32

In sax seede’u keene, in fo Yiif Tedu le Roog a ci’na we nananuuna.»

A pi ake 2:32

Yeesu feene, Roog xontooxnoorun, too in fop seede i ndefu itam.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

A pi ake 10:41

Refee koy ee xeet fee fop a feeñlun, ndaa in we ndefna seede we Roog a jilna yaaga. In ndefu we ñaamna fo ten, yer fo ten a cinj ye ta xontooxna a ndeer no xon we.

A pi ake 10:39

In ndefu seede um, layaa ke ta fi’na fop kam saax laa no Yaawuur waa fo kam Yeerusaleem. Kaa mbarin, a ndaaƴin took a teex.

A pi ake 3:15

Neene, nu mbarnoora o Kelwaar oxe na ci’taa o ñoow, ndaa Roog a xontooxnooraan a ndeer no xon we. Ten o mat i seede’anaa.

A pi ake 1:22

no kaa xotitna yaa Saŋ a batiise’uuna boo a koom alaa ta yoɗteena a ndeer in, yaam a wara o jeg oxaa refna fa in nen o seede xaa na laytaa a qontax ale ten.»

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

A pi ake 4:33

Apootar we kaa laytoogu doole fa maak no ke da seede’na na qontax ale no Yaal oxe Yeesu. Maaga, yirmande fa maak fee Roog a reeƭa fa den fop.

YEGIL MBAAX NE YEESU ne Saŋ a bindtuuna 15:27

Nuun itam, xan nu seede’ankaam, yaam naa ferum calel, nuun wey fa mi.»

A pi ake 22:15

Yaam xan o seede’an o Cofu xe ten paam no wiin we fop, layaa ke ga’oona fo ke nanoona.