YEGIL MBAAX NE YEESU ne Lik a bindtuuna 24:44 - NQAARIIT NE ROOG

⁴⁴ Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

YEGIL MBAAX NE YEESU ne Lik a bindtuuna 24:44 Referans Kwoze

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

A pi ake 13:33

a fadnanaan a in, in we ndefna xa taan den. A fi’aan ye ta xontooxnoorna a Yeesu, ne ta bindteena na kim a tedu a ƭikandeer ale yee: ‹Wo refu o ƥees, xaye mi rimong.›

YEGIL MBAAX NE YEESU ne Lik a bindtuuna 9:22

Yeesu a doona taaga yee: «O Ƥeenqe no kiin oxe a wara o ñagadilel. Xan maak waa fo saasadax maak waa fo jaajangin waa no kebil kaa Moyiis a mbañin. Xan a warel, ndaa no ñaal ndadkandeer naa xan a xontoox.»

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Hebre 10:1

Kebil ke Moyiis kaa ndef mbelyook no paax ke na ngaraa. Ndefee nitaal tigi no tiindigil ke. Ten taxu, na pexey sadax leng kut ke na ƥoxoteel a Roog o hiid oo hiid, kebil ke mbaagee o tax muk we na mattiidaa a Roog neene a ñak sik.

YEGIL MBAAX NE YEESU ne Saŋ a bindtuuna 5:46

Nu ngim’angaa ke Moyiis a bindna, nu ngimkooga ke layuuma itam, yaam a binda kaa jofna na mi.

Sakari 6:12

Fat o layin ee: ‹Keeke o Yaal oxe Hupna fop a layu: O koor oxe ne’eena Dugatin oxey. Fop xan a jolit ɗuga a caf um, soo ta max Mbind es, mi o Yaal oxe.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Esayi 28:16

Ten taxu, keeke o Yaal oxe na refkaa boo faw a layu: «Mexey doonaa kam Siyoŋ ɓil fer laa ɗeetlooxeena, ɓil jafeñu laa jaƭna kooñ ne, a saƭik fer. Oxuu hoolooxuuna, xan a saƭik.

A kim a tedu ke 118:22

Ɓil le maamax we a ndeɓ’ina refatu ɓil faraaj le.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Heseki’el 34:23

Xam dalnan a den o kaynaak o leng kut oxaa na gaykaa a den, ta ref a Dawid fee o tag es. Xan a gay a den, a ref o kaynaak den.

Esayi 52:13

O Yaal oxe kaa tee: «O tag es xan a jar, a kañel, a yoɗel soo a ɓoxotel tedaanga faa moƴna o magin.

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Hebre 9:8

No keene koy, Yiif Tedu le kaa laltaa yee begax ne no Mbiñ onqe moƴna o ted wetooxafulee, feek a ndok a eetaand ale oxe maadaa.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

Sakari 14:4

A koom, xan a dak a caf um took o joong ole no taxar Oliiw ke jasnoorna fa Yeerusaleem te no batand, too o joong ole no taxar Oliiw kaa xan a qaacoox a ndeer, a xotit no batand boo a sip no mudand, a refat a yulanq a maak, soo a seek a leng ale a riƈatoox te no ɓemb-roog o janoon, a seek a lakas ale te no ɓemb-roog o ñamaak.

Dañel 7:13

Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Heseki’el 17:22

Keeke o Yaal oxe na refkaa boo faw a layu: «Mi fa xoox es, xam ɓol a naaq na cul ndaxar seedar, fasit no cat ke o yar o dutuuñ soo jimbin took o joong o jiig o goƭu took.

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

A lim ale 35:25

Fat mbokatax ne a mucil oxe warna no ɓay no taarabdinax oxe, a nomtin na teeru fa njaɓnooxand fee ta jaɓnook’ina. Fat a yoq maaga boo yaa o saasadax o maak oxe ɗuumeena diwliin fa tedu fee a xonkaa.

A lim ale 21:8

O Yaal oxe a doonaan ee: «Xawi fangool soo ɗagin took a teex. Oxuu fangool a ŋatna, a ɗeetangaan, xonkee.»

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

YEGIL MBAAX NE YEESU ne Saŋ a bindtuuna 3:14

O Ƥeenqe no kiin oxe a wara o yoɗtel ne Moyiis a yoɗit’ina fangool faa na koƥ-a-ƥor alaa,

YEGIL MBAAX NE YEESU ne Lik a bindtuuna 24:46

A laya a den ee: «A binde yee Kiristaa fee a wara o coono, a xontoox a ndeer no xon waa no ñaal ndadkandeer naa,

Yeremi 33:14

O Yaal oxe kaa tee: «Ñaal key a ngaraa kaa um fadinkaa a tegit ake fi’anuuma xeet fee Isra’el fa fee Yudaa.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mberaand 14:18

Melkisedek fee o maad Saleem a ɓisiidaan puuru fa biiñ. Ten koy kaa reeƭu o saasadax Roog fee Took-ee-took.

Hebre 7:1

Melkisedek feene reeƭu o maad na teeru faa Saleem fo o saasadax Roog fee Took-ee-took. Yaa Abraham a nomtooxiidaa na xire faa ta raxit’ina maad waa, Melkisedek a dalfooxa o xetik fo ten, soo a barke’in.

Hebre 3:5

Moyiis fa xoox um a gore’a kam mbind ne Roog fop nen o paɗ Roog oxaa gadin’eena o layanan.

A pi ake 7:37

Moyiis feene o mat lay’ahinu xeet fee Isra’el ee: ‹Xan Roog a sutan a nuun a ndeer no fog nuun o tuleer oxaa nandna fa mi.›

YEGIL MBAAX NE YEESU ne Lik a bindtuuna 22:37

Yaam mexe layaa a nuun ee: Fa lay feeke bindeena a wara o fadnoor na mi: ‹A ɗeet’e nen saasaay kaa.› Ke warna na mi xan a fadnoox.»

YEGIL MBAAX NE YEESU ne Lik a bindtuuna 21:22

Yaam xan a ndef ñaal kaa Roog a rabdinooxkaa, ndax ke bind’eena fop a fadnoox.

YEGIL MBAAX NE YEESU ne Lik a bindtuuna 9:44

«Fat xa ƭelem axene a ndok no nof nuun a paax: O Ƥeenqe no kiin oxe a wara o ɓoxotel a ndeer xa ƥay axe no wiin we.»

Mace 26:56

Kaa koy, keene fop a fadiida, ndax ke duleer we a mbindna a fadnoox.» Maaga, daalbe waa fop a nqaƴaan, a ƈuf.

Mace 26:54

Kaa koy, yaaga, nam a Pind a Tedu ke a mbadnooritkaa? Fop a wara o jegit ne da laytuuna.»

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

Amos 9:11

«A koom koy, xam difi o ɗaakaand ole Dawid, yoɗin, ke gefna teen, um xendandin, boo ta dakoox naa ta reeƭna,

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

A pi ake 3:18

ndaa Roog fadnitu neene ke ta yegnit’ina yaaga xewafulee na xa ton no duleer we fop, ye da layna yee o Muumucil oxe ten regteena a wara o coono.

Mark 9:31

yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

Mace 1:22

Kaaga fop a xewa ndax ke o Yaal oxe a lay’ina a reefandin no tuleer oxe a fadnoox:

A pi ake 2:27

yaam xaƴkiro o laaw es ta mooc kam jaaniif, too xaƴkiraamo, mi fee o Tedu xe wo, cer es a mbottik na semb.

A pi ake 13:40

Ten taxu, mbootooxyo yaam ndik ke duleer we a layna a dal took nuun.