YEGIL MBAAX NE YEESU ne Lik a bindtuuna 24:39 - NQAARIIT NE ROOG

³⁹ Ƭeetyo xa ƥay es fo a caf es: Mi o mat oo! Nduqaamoo, too nga, yaam o qon-o-paaf jegee njer, jegee xa kiiƈ, ne nu nga’tuuna na mi.»

YEGIL MBAAX NE YEESU ne Lik a bindtuuna 24:39 Referans Kwoze

YEGIL MBAAX NE YEESU ne Saŋ a bindtuuna 20:27

Cinj kaaga, a laya a Tomaa yee: «Ɓeki meeke nqol of, ɗeet xa ƥay es. Dooni o ɓay of no saax es, fañat o gimaƭar, ndaa gimi.»

1Saŋ 1:1

In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.

YEGIL MBAAX NE YEESU ne Saŋ a bindtuuna 20:20

Yaa ta layna naaga, a lala a den xa ƥay um fo o saax um. Daalbe we a ƭaay’a lool, ye da nga’na o Yaal oxe.

O baawaare xe 12:7

boo cer ke a ngelko fo nomtooxaa no lanq ke da ngat’ina, soo o ñoow ole a nomtoox maa Roog fee ci’it’uuna.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

A lim ale 16:22

Moyiis fa Aaroon a ngunga a lanq, a lay ee: «Wo Roog, wo fee saqna o ñis no pindel ke fop, ndax bakaad no kiin o leng kut xan a tax o fuuxan mbokatax ne fop?»

Hebre 12:9

Mee ndax i njega paap kaa na yaraa a in na adna feeke, too kaa i niwaa a den. Xar na taxkaa boog i nanankee a Faap in fee refna na asamaan, ndax i njeg o ñoow.

YEGIL MBAAX NE YEESU ne Saŋ a bindtuuna 20:25

Daalbe lakas we a layaan ee: «I nga’a o Yaal oxe.» Maaga, a doona a den ee: «A refangee kaam doon a ngid na xa yul axe na xa teng axe, ɓek teen nqol es, o ɓay es, um doonin no saax um, gimkiim muk.»

A pi ake 1:3

Cinj ye Yeesu a xonna, a cooxa a den xa anddiloor xa mayu ndax ta feedin a den ee oxe ñoowaa. A feeñooxooga a den boo a pe qarɓeen nahik, a layaa a den kaa jofna no Maat ne Roog.

YEGIL MBAAX NE YEESU ne Lik a bindtuuna 23:46

Yeesu a dakooxa wuuq a maak, soo a lay ee: «Faap, mexe ɓoxotaa o laaw es na xa ƥay of.» Yaa ta layna kaaga, a saaya.

YEGIL MBAAX NE YEESU ne Lik a bindtuuna 24:38

Kaa koy, Yeesu a laya a den ee: «Xar taxu nu njaaxiɗ, njeg a yiif-a-ƭak kam nuun?

YEGIL MBAAX NE YEESU ne Lik a bindtuuna 24:40

Yaa ta layna kaaga, a lala a den xa ƥay um fo a caf um.