YEGIL MBAAX NE YEESU ne Lik a bindtuuna 24:32 - NQAARIIT NE ROOG

³² Cinj kaaga, a layrooga a ndeer den ee: «Ndax xeeñ in ɓut’ee, ye ta layaa fa in na ƭat ale, soo a tektaa a in a Pind a Tedu ke?»

YEGIL MBAAX NE YEESU ne Lik a bindtuuna 24:32 Referans Kwoze

YEGIL MBAAX NE YEESU ne Lik a bindtuuna 24:45

Maaga, Yeesu a wetana a den a yiif den, ndax da and a Pind a Tedu ke.

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

Yeremi 23:29

Ndax fa lay es nandee nen fiɗel, nen o leede jegu doole laa na duguñaa ɓil le?»

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

A kim a tedu ke 39:3

Maaraam o don es boog, naag cel, fañ o lay, a refangaa paax sax oo, ndaa yaqanee coono es a ɓaatoox.

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

Xa peƭit axe 27:17

Ne njelem a kaƭaactaa ngend um, neene o kiin a kaƭaactaa o kend um.

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

Esayi 50:4

O Yaal oxe na refkaa boo faw a ci’axam a layoorooƭ ale no daalbe we, ndax um and nam warum o saƭakinit o neewu doole xe. Nqes nuu refna kaa wetaa nof es, ndax um nan-giloox nen daalbe we.

A kim a tedu ke 104:34

Yaasam ke layuuma a felin! Mi kat kaam felakinooxaa no Yaal oxe.

Xa peƭit axe 27:9

Diwliin fa cuuraay kaa ndalnaa kam, o mbeq onqe na xaariit a nand nen qeeñe-xeeñe kaa moƴna o mbel.

Mark 4:34

A naxax rek a laytoogu fa den, ndaa boo ta reeƭna fo daalbe we ten soom, a tektanooga a den fop.