YEGIL MBAAX NE YEESU ne Lik a bindtuuna 24:29 - NQAARIIT NE ROOG

²⁹ Kaa koy, goor we a ndamaan, a layin ee: «Yoqi fa in, yaam tige oxe yengiidaa, too njeeƈ ne xe mudiidaa.» Maaga, a roka ndax ta yoq fa den.

YEGIL MBAAX NE YEESU ne Lik a bindtuuna 24:29 Referans Kwoze

2 Maad we 4:8

Bes, Eliise a reefa kam Suuneem. A jeg’a maaga koy o tew o qenooxu. A yongnoora a Eliise no mbind um. No kaa xotitna maaga, a mbanuu Eliise a reefiidna no jegel olaaga, maa no tew oxaaga a ñaamtikoogu.

Mberaand 19:3

Kaa koy, Lot a saya boo neen a njaɓatu o ndet no mbind um. A fi’ana a den a cu’ax, a juɗan a den puuru canja’e, soo da ñaam.

YEGIL MBAAX NE YEESU ne Lik a bindtuuna 14:23

O yaal mbind naa a laya o tag oxaa yee: ‹Reti na ƭat ake fo na xa salit axe, too fi’i fop ndax we o ga’kaa a ndokiid, ndax mbind ne mi a waag o may.›

A pi ake 16:14

Ndeer rew waaga koy, a jeg’a oxaa ne’eena Lidi, a ref o ciijikax daalde. Na teeru faa Tiyatiir a inoor’u. Kaa saɗar’u a Roog, too a nan-gilooxooga a in. O Yaal oxe a weta yiif um, ndax ta jaɓ ke Pool a layoogna.

YEGIL MBAAX NE YEESU ne Lik a bindtuuna 24:28

Yaa da matiidaa saate fee da ndetoogna, Yeesu a fi’a nen oxaa bugna o xaajoor fa den.

YEGIL MBAAX NE YEESU ne Lik a bindtuuna 24:30

Yaa ta reerna fa den a ñaamaa, a janga mbuuru, too a cinj ye ta gidimna a Roog, a xustaan, a cooxin a den.