YEGIL MBAAX NE YEESU ne Lik a bindtuuna 24:26 - NQAARIIT NE ROOG

²⁶ Ndax Kiristaa fee war’ee o coono’it neene kañ, soo a rokkaa kam o ndam um?»

YEGIL MBAAX NE YEESU ne Lik a bindtuuna 24:26 Referans Kwoze

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

A pi ake 17:3

Kaa tektoogu a den a Pind a Tedu ke, too a lalaa a den teen ee Kiristaa fee, o Muumucil oxe regteena a war’a o coono, soo a xontoox a ndeer no xon we. Kaa layoogu a den ee: «Yeesu fee um yegnaa a nuun, refu Kiristaa fee, o Muumucil oxeene.»

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

YEGIL MBAAX NE YEESU ne Lik a bindtuuna 24:46

A laya a den ee: «A binde yee Kiristaa fee a wara o coono, a xontoox a ndeer no xon waa no ñaal ndadkandeer naa,

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

YEGIL MBAAX NE YEESU ne Lik a bindtuuna 24:7

Kaa lay’u yee: ‹O Ƥeenqe no kiin oxe a ware o ɓoxot na xa ƥay axe no baabakaad we, a rengel na kurwaa, soo a xontoox no ñaal ndadkandeer naa.› »

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

YEGIL MBAAX NE YEESU ne Saŋ a bindtuuna 2:22

Ten taxu itam, yaa ta xontooxna, daalbe um a mbetandooxa yee a lay’a kaa jofna no kaaga, too a ngima a Pind a Tedu ke fo fa lay fee Yeesu.

YEGIL MBAAX NE YEESU ne Saŋ a bindtuuna 20:9

Kaa and’afulee a Pind a Tedu ke lay’ina yee xan a xontoox a ndeer no xon we.

Mberaand 22:6

Abraham a janga xa cuuƭ axe na ndoxitkeel sadax fee, a roxondin a Isaak fee o ƥeem, a saq japil fee fo fiɗel le. Den ɗik fop a nqota a ƭat.