YEGIL MBAAX NE YEESU ne Lik a bindtuuna 24:19 - NQAARIIT NE ROOG

¹⁹ Yeesu a laamta yee: «Xar ee?» A ndoonaan ee: «Ke xewna na Yeesu o Naanasaret oxe, reeƭna o tuleer o cegu sañ-sañ na pi fo na fa lay mbaambir Roog fo mbaambir xeet fee fop.

YEGIL MBAAX NE YEESU ne Lik a bindtuuna 24:19 Referans Kwoze

Mace 21:11

Wiin mayu a layooga yee: «Yeesu o Naanasaret oxe yoo, o tuleer oxe inoorna no jegel olaa Galile.»

A pi ake 7:22

Naaga, Moyiis a yar’e no and ole no Miimisira we fop, too a jeg’a sañ-sañ na fa lay um fo na pi um.

A pi ake 2:22

Nuun wiin we Isra’el, nan-gilooxyo ke um layiidaa a nuun. Yeesu o Naanasaret oxe a reeƭa o kiin oxaa andoona yee Roog feeñlun mbaambir nuun. Roog fa xoox um koy, a fi’a a pi katil fo comlaand fo xa anddiloor na pexey o kiin oxeene, ne nu andtuuna nuun fa qoox nuun.

YEGIL MBAAX NE YEESU ne Saŋ a bindtuuna 6:14

Yaa wiin weene a nga’na o anddiloor ole Yeesu a fi’’ina, a layrooga yee: «Oxene o mat refu o Tuleer oxe warna o gar na adna.»

YEGIL MBAAX NE YEESU ne Saŋ a bindtuuna 4:19

Maaga, o tew oxe a layaan ee: «Ndik ee o tuleer refo yoo!

YEGIL MBAAX NE YEESU ne Saŋ a bindtuuna 3:2

A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

YEGIL MBAAX NE YEESU ne Lik a bindtuuna 7:16

Wiin waa fop kaa ndiid’u no kaaga xew’ina, a simataa a Roog. Wene kaa layoogu yee: «O tuleer o maak a feeña a ndeer in», lakas we a ndamtin na «Roog a fudooxiida, ndax ta wat xeet um.»

YEGIL MBAAX NE YEESU ne Saŋ a bindtuuna 7:52

We ta laytoogna a ndoonaan ee: «Mbaar refee wo itam o Kaagalile refo? Hori boo ga, ndax o tuleer a mosa o hat Galile.» [

Mark 1:24

a lay ee: «Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

A cangatin ale 18:15

O Yaal oxe Roog nuun xan a sutan a nuun a ndeer no fog nuun o tuleer oxaa nandna fa mi, too fat nu nan-gilooxin.

YEGIL MBAAX NE YEESU ne Lik a bindtuuna 24:18

O leng na den oxaa ne’eena Kelewopaas a doonaan ee: «Waagaa o gen Yeerusaleem, too andiro ke na xewaa meen na pe akene?»