YEGIL MBAAX NE YEESU ne Lik a bindtuuna 23:5 - NQAARIIT NE ROOG

⁵ Kaa koy, a mbeera na: «Kaa hoƥatrandaa xeet fee, a jangnitaa kaa xotitna Galile boo Yudee fop, a gar meeke sax.»

YEGIL MBAAX NE YEESU ne Lik a bindtuuna 23:5 Referans Kwoze

YEGIL MBAAX NE YEESU ne Saŋ a bindtuuna 2:11

Neene o mat o anddiloor o eetaand ole na xa anddiloor axe Yeesu a xewit’u kam Kana no jegel ole Galile. Maaga, a feeñla o ndam um, soo daalbe um a ngim no ten.

YEGIL MBAAX NE YEESU ne Saŋ a bindtuuna 1:43

No feet olaa, Yeesu a waaja a tet Galile, soo a xet fa Filip, a layin ee: «Reefaam!»

Mark 1:14

Cinj yaa Saŋ a ɓekeena kaso, Yeesu a reta kam o jegel olaa Galile, a waare’aa Yegil mbaax ne hatna na Roog.

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

A pi ake 23:10

Ne coowoor ne a moƴ’atna o jegaa doole, kelfa fee no xiixire juni we a saɗar’a yee xan wiin we a nduguñ a Pool. Naaga, a hebla xiixire waa da ndet, a sut a Pool a ndeer Mal naa, a ƥisin no saŋe naa.

A pi ake 10:37

Nu anda ke xew’ina kam o jegel olaa Yudee fop. Keene kaa inoor’u na Yeesu o Naanasaret oxe ye ta jangoorna Galile, a soƥ Saŋ a waare’aa, a batiise’aa. Nu anda itam ne Roog a ɗuumit’ina a Yeesu feene, a soɗin Yiif Tedu le, ta retaa a ndeer saax fo saax, a fi’aa paax, too a wodandaa we ndeeƭna no mbaƭ ne no ƈiƴ oxe, yaam ne Roog a reeƭna fo ten.

A pi ake 7:57

A mbuuqa a maak, a sux nof den, too a ndiganin den fop.

A pi ake 7:54

Yaa waa mbog’ina no Mal naa a nanna a ƭelem akaaga, a nduq’a a den tigi, too a ŋatooxanooga a Eceen.

A pi ake 5:33

Yaa waa mbog’ina no Mal maak ne a nanna kaaga, a mbuux’a fuux maak, too a mbug’a o mbarnoor apootar waa.

YEGIL MBAAX NE YEESU ne Saŋ a bindtuuna 19:15

Yaawuur waa a moƴa o mbalaloox ee: «Fat a warel! Fat a warel! Rengeen na kurwaa!» Pilaat a doona a den ee: «Mi, um reng o maad nuun na kurwaa?» Saasadax maak we a ndoonaan ee: «I njegee o maad o tefee Kesaar fee.»

YEGIL MBAAX NE YEESU ne Saŋ a bindtuuna 7:52

We ta laytoogna a ndoonaan ee: «Mbaar refee wo itam o Kaagalile refo? Hori boo ga, ndax o tuleer a mosa o hat Galile.» [

YEGIL MBAAX NE YEESU ne Saŋ a bindtuuna 7:41

Lakas we koy, kaa layoogu yee: «Ten refu Kiristaa fee o Muumucil oxe regteena.» Wene a mbodit mene a ndamtin na: «Ca! Ndax Kiristaa fee a waaga o hat Galile?

YEGIL MBAAX NE YEESU ne Lik a bindtuuna 23:23

Kaa koy, a moƴa o mbuuq a maak, too a mbeer na: «Fat a rengel na kurwaa!» Maaga xa buuq axaa den a ƥislooxa a Pilaat,

YEGIL MBAAX NE YEESU ne Lik a bindtuuna 11:53

Yaa Yeesu a sutooxna o mbiñ onqaaga, jaajangin waa no kebil kaa fo Farisiya waa a ndalfooxa o ndef no nqasooxanan, a laamtan tig mayu.

Mace 27:24

Yaa Pilaat a ga’na yee ɗaxdee dara, too coow le a moƴ o mayaa, a janga foofi, soo a laxad xa ƥay um mbaambir no wiin waa fop, too a lay ee: «Refiim dara no fo’oy le no cofu xene. Nuun ngadooxun.»

A kim a tedu ke 69:4

Waagatiim dara yaam xa buuq. O faƭanq es kaa weer koroŋ, a kid es a nqooɗat bo, yaam ne um cungaa a Roog es.

A kim a tedu ke 57:4

Yaasam ta heblantiidaam na asamaan oxaa muclaxama, a sednoor we na ŋaalooxanaxam! A maaf Yaasam Roog a hebliid o mbeq um fo ngor um!

A kim a tedu ke 22:16

A peep es oxe weera kaŋ nen keew, ɗelem es a taƥ no faƭanq es. Mi kañ, xonaam boo ƴut.

Mace 2:1

Yaa Yeesu a rimteena Betleheem no lanq kaa Yudee, a jopir Herood a refaa o maad, yaal-o-and a inoora no batand, a ngar Yeerusaleem, too a lay ee:

Mace 11:1

Yaa Yeesu a janginna daalbe xarɓaxay fo daalbe ɗik waa keene boo a ƴut, a inooxa maaga. Kaa jangnoogu, a waare’aa kam teeru kaa den fop.

YEGIL MBAAX NE YEESU ne Lik a bindtuuna 23:6

Yaa Pilaat a nanna wiin we a laytaa kaa farna na Galile, a laamta ndax o qoye o Kaagalile a reeƭu.