YEGIL MBAAX NE YEESU ne Lik a bindtuuna 23:42 - NQAARIIT NE ROOG

⁴² Maaga, a laya a Yeesu yee: «Yeesu, ngela wetandooxaam yaa o rokkaa no maat of!»

YEGIL MBAAX NE YEESU ne Lik a bindtuuna 23:42 Referans Kwoze

A pi ake 16:31

A ndoonayo yee: «Gimi no Yaal oxe Yeesu, too xan o muc, wo fo wiin mbind of.»

YEGIL MBAAX NE YEESU ne Lik a bindtuuna 12:8

«Mexe layan a nuun, oxuu layna mbaambir no wiin we yee a andaxam, xan o Ƥeenqe no kiin oxe a lay mbaambir malaaka ke Roog ee a andaan.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

A pi ake 20:21

Jasnooraam fo Yaawuur we fo we ndefeerna Yaawuur, xoy a den ndax da ndamoox na Roog, too a ngim no Yaal oxe Yeesu.

YEGIL MBAAX NE YEESU ne Lik a bindtuuna 24:26

Ndax Kiristaa fee war’ee o coono’it neene kañ, soo a rokkaa kam o ndam um?»

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

YEGIL MBAAX NE YEESU ne Saŋ a bindtuuna 20:28

Tomaa a doonaan ee: «O Yaal es, Roog es!»

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

A kim a tedu ke 2:6

«Mi dalnu o maad es took Siyoŋ fee o joong o tedu le mi.»

YEGIL MBAAX NE YEESU ne Lik a bindtuuna 23:41

Na in kaa war, yaam ndabid in i ndaawu. Ten o mat fi’ee paaxeer leng.»

YEGIL MBAAX NE YEESU ne Lik a bindtuuna 23:43

Yeesu a doonaan ee: «No ndigil, mexe layang ee: Xaye fee xaye sax o rok fa mi kam arjana.»