YEGIL MBAAX NE YEESU ne Lik a bindtuuna 23:23 - NQAARIIT NE ROOG

²³ Kaa koy, a moƴa o mbuuq a maak, too a mbeer na: «Fat a rengel na kurwaa!» Maaga xa buuq axaa den a ƥislooxa a Pilaat,

YEGIL MBAAX NE YEESU ne Lik a bindtuuna 23:23 Referans Kwoze

Sakari 11:8

Kaa koy, no nqool o leng kut sambraam fo gaynaak daduk we. Cinj kaaga, waag’atiim o muñan paal ke itam, too den oo mbug’atiraam o nga.

A kim a tedu ke 57:4

Yaasam ta heblantiidaam na asamaan oxaa muclaxama, a sednoor we na ŋaalooxanaxam! A maaf Yaasam Roog a hebliid o mbeq um fo ngor um!

YEGIL MBAAX NE YEESU ne Lik a bindtuuna 23:5

Kaa koy, a mbeera na: «Kaa hoƥatrandaa xeet fee, a jangnitaa kaa xotitna Galile boo Yudee fop, a gar meeke sax.»

Mark 14:31

Kaa koy, Piyeer a moƴa o lay a maak ee: «Um narangaa o xon fa wo sax, xañkiroong muk.» Lakas waa fop a laya leng kut ke.

YEGIL MBAAX NE YEESU ne Lik a bindtuuna 23:22

Pilaat a laamtahina a den jaf dadkandeer ee: «Paaxeer kum a fi’u? Ga’iim sik fa leng no ten faa waagna o tax ta warel. Xam xawnoorin xa loq boog, soo woktin.»

YEGIL MBAAX NE YEESU ne Lik a bindtuuna 23:24

boo ta lay ee: «Fat a mbi’antel o ten ne da mbugtuuna.»