YEGIL MBAAX NE YEESU ne Lik a bindtuuna 23:2 - NQAARIIT NE ROOG

² Maaga, den fop a ndefa no njamban ee: «Kaa i soƥ o koor oxene a hoƥatrandaa xeet in, a yaqanaa wiin we da ndabid a Kesaar fee a bateer, kaa layooxaa yee ten refu Kiristaa fee, o maad oxe.»

YEGIL MBAAX NE YEESU ne Lik a bindtuuna 23:2 Referans Kwoze

YEGIL MBAAX NE YEESU ne Saŋ a bindtuuna 19:12

No kaa xotitna na waxtu faaga, Pilaat kaa waaƭoogatu maa ta xaƴtuuna. Yaawuur we o mat kaa moƴ’u o mbalalooxaa yee: «O xaƴangaan ta ret, o and ee refiro xaariit Kesaar fee. Oxuu ne’ooxna meen o maad, o pañ Kesaar fee yoo.»

YEGIL MBAAX NE YEESU ne Lik a bindtuuna 23:14

«Nu ƥisiidaxam o kiin oxene nu layna yee kaa hoƥatrandaa xeet nuun. Ƭeetyo! Laamtaanum mbaambir nuun, too ga’iim no ten sik fa leng no ke nu njamban.

A pi ake 24:5

I anda yee oxene, o kiin taamaala tigi yoo. Kaa ɓisiidaa yaqoor a ndeer no Yaawuur we kam adna fee fop, too ten refu o aa-adax oxe na qaaj ale no Naanasaret we.

YEGIL MBAAX NE YEESU ne Saŋ a bindtuuna 18:30

A ndoonaan ee: «A reeƭangee o piifi paaxeer, i ƥisiidkoogiran me wo.»

Mark 12:17

Maaga, a laya a den ee: «Ƥoxotyo boog a Kesaar fee ke Kesaar fee a jegna, soo ƥoxot a Roog ke Roog a jegna.» O doonanqol ole Yeesu a bet’a a den.

Mace 22:21

A ndoonaan ee: «Kesaar fee.» Maaga, a laya a den ee: «Ƥoxotyo boog a Kesaar fee ke Kesaar fee a jegna, soo ƥoxot a Roog ke Roog a jegna.»

Sakari 11:8

Kaa koy, no nqool o leng kut sambraam fo gaynaak daduk we. Cinj kaaga, waag’atiim o muñan paal ke itam, too den oo mbug’atiraam o nga.

Yeremi 38:4

Kelfa ke a laya o maad oxe yee: «O koor oxene fa nqon helun! Ke ta layaa kaa foosnooraa goor xiixire we yoqna kam teeru fene fa xeet fee fop. O koor oxene waaƭanee xeet fee jam, ndaa taamaala den a oraa.»

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

A kim a tedu ke 62:4

Kaa nu mbokatoorkaa neeke boo a mban, ndax nu songaam soo maafaam, mi fee na nandtaa tabax njoyu mbaat ɓit laa na yenaa?

A pi ake 24:13

Owey, ndaa ndiiki koy mbaagirang o mboorin ke da njambaxam.

YEGIL MBAAX NE YEESU ne Lik a bindtuuna 23:5

Kaa koy, a mbeera na: «Kaa hoƥatrandaa xeet fee, a jangnitaa kaa xotitna Galile boo Yudee fop, a gar meeke sax.»

Mace 17:27

Kaa koy ndax njegkee kaa da layaa, reti no maag olaa. Deɓi o jaar, too sut liƥ ne o eetkaa o dam. Yaƥatneen, too xan o ga o xanjar. Jangeen cooxin a den, ta ref ndabid in, mi fa wo.»

Amos 7:10

Maaga, o saasadax oxe ne’eena Amatsiya kam Betel a lultiida me Yerobowam fee o maad Isra’el ee: «Amos oxe fuulandaa ƭool of kam ee kam mbind Isra’el sax, too saax le mbaagatee o muñ ke ta layaa fop,

A kim a tedu ke 35:11

Seede maamaaɓ wey a inooxa, um laamteel no kaa andeeruuma dara.

1 Maad we 18:17

too ndak fo ndak, ye ta ga’uuna, a layaan ee: «Wo refu oxene na gartaa taamaala took xeet fee Isra’el!»

Mace 27:11

Yaa Yeesu a ɓisiideena mbaambir gofornoor faa, oxeene a laamtaan ee: «Wo refu o maad oxe no Yaawuur we?» Yeesu a doonaan ee: «Wo ne’un!»

Mark 15:2

Pilaat a laamtaan ee: «Wo refu o maad oxe no Yaawuur we?» Yeesu a doonaan ee: «Wo ne’un!»

YEGIL MBAAX NE YEESU ne Saŋ a bindtuuna 18:29

Naaga, gofornoor Pilaat a sutooxiida, a lay a den ee: «Xar nu njambaa oxeeke?»

O leetar ole Pool a bindna GIMU WE NGENNA ROM 13:7

Oxuu nu saqanna o lad, ndabdeenoo o ten! Oxe nu mbarna o ndabid a bateer, ndabdeenoo o ten. Oxuu nu mbarna o ndabid juuti, ndabdeenoo o ten. Oxuu nu mbarna o saɗar, saɗareenoo, too oxuu nu mbarna o niw, niweenoo.