YEGIL MBAAX NE YEESU ne Lik a bindtuuna 23:11 - NQAARIIT NE ROOG

¹¹ Herood fo xiixire we ten kaa njeeroogu a Yeesu, a nqaadnooxan, a ndokanin ndoki mosu, soo a nomtin maa Pilaat.

YEGIL MBAAX NE YEESU ne Lik a bindtuuna 23:11 Referans Kwoze

Esayi 53:3

A sibe, too wiin we a mbañin, o koor coono too a and jir, a nand fo xe wiin we a mbañaa o nga. I nqeefaan, too a ƭat in yongee no ten.

YEGIL MBAAX NE YEESU ne Saŋ a bindtuuna 19:5

Yeesu a sute, a rokel o ndip kiƈ onqe took xoox um fo lori yaxgu coy ne. Pilaat a laya yee: «O kiin oxe xey.»

Mark 9:12

A doona a den ee: «Ndigil oo de, Eliya a wara o eet o gar, ndax ta jagandatin fop. Yaaga boog, xar taxu a Pind a Tedu ke a lay ee o Ƥeenqe no kiin oxe xan a coono mayu, soo a ñagadilel?

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

A kim a tedu ke 22:6

A ƈufginooxoogaang, too mucloogaa a den. A ngooloox’aang, too sedlandiro a den.

Mace 14:1

Na pe akaaga, yaa Herood fee maadooxoogna no jegel olaa Galile a nanna wiin we a laytaa a Yeesu,

Mace 14:3

Herood fa xoox um kaa damnoor’u a Saŋ o Paabatiise xe, soo a jengin, a ɓekin kaso yaam Herojas, o tew Filip fee o ndeɓ Herood,

Mace 14:6

Kaa koy, yaa da ndoofandaa bes faa no rimel olaa Herood, o ƥiy o ndew onqe Herojas a feca ndeer o lang olaa, too a fel’a a Herood lool.

YEGIL MBAAX NE YEESU ne Lik a bindtuuna 23:10

Saasadax maak waa fo jaajangin maak waa no kebil kaa Moyiis a ndeeƭa maaga, too kaa moƴ’un o njambaa rek.

Saak 2:2

A jegangaa wiin ɗik waa ngarna no mbokatax nuun, o leng oxe a rokoox boo a qiicaa, a doonoox wurus, o lakas oxe o mat a ref o ndool, a rokoox liir,

Saak 2:3

maaga koy, o simin o yaal toki mosu ke, layin ee: «O koor es, moofi na seek a niwnooxu lene», soo lay o ndool onqe yee: «Geenooxi mbaat o moof a lanq».