YEGIL MBAAX NE YEESU ne Lik a bindtuuna 22:5 - NQAARIIT NE ROOG

⁵ A sawar’a lool, too a njaɓ’aan o ndabid xaaliis.

YEGIL MBAAX NE YEESU ne Lik a bindtuuna 22:5 Referans Kwoze

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

2 Piyeer 2:15

Cinj ye da nqaƴna a ƭat a cofu le a mo’a, soo a ndeef a ƭat ale Balam fee o ƥiy Bewoor, fex’ina o fi paaxeer, ndax ta cooxel xaaliis.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

A pi ake 8:20

Kaa koy, Piyeer a doonaan ee: «Yaasam o saŋkoox fa xaaliis of, yaam kaa o foog ee ci’it ne Roog boo o daawan, o jiktin xaaliis!

A pi ake 1:18

O koor oxeene a janga xaaliis fee ta rabid’eena na bakaad fee ta fi’’ina, a jiktin o qol. Cinj kaaga, a yena, a adin xoox um, cer um a ƭeg a ndeer, laaw um fop a ƥaxooxiid tafil.

YEGIL MBAAX NE YEESU ne Lik a bindtuuna 22:4

A reta, a jeetaay fo saasadax maak waa fo we adooxan’ina alkaati kaa no Mbind Roog naa, ne ta ɓoxotitkaa a den a Yeesu.

YEGIL MBAAX NE YEESU ne Lik a bindtuuna 22:6

Yaa Yudaa a jaɓna, a waaƭoogata maa ta ɓoxotitna a den a Yeesu, too o leng no wiin we yegkiran.