YEGIL MBAAX NE YEESU ne Lik a bindtuuna 22:42 - NQAARIIT NE ROOG

⁴² too a lay ee: «Faap, o bugangaan, riƈatanaam o kaas coono lene! Kaa koy, baa jegit ne bugtanuuma, ndaa ne bugtanoona.» [

YEGIL MBAAX NE YEESU ne Lik a bindtuuna 22:42 Referans Kwoze

Mace 26:39

Yaa ta retna boo a goƭ o ndik, a gooknooxa, a gung, too a xeɗa a Roog ee: «Faap, a waagangaa jeg, fat o kaas coono lene a riƈatoox boo yerkinum. Kaa koy, baa jegit ne bugtanuuma, ndaa ne bugtanoona.»

Mace 26:42

A dakooxa o riƈatoox jaf ɗikandeer, soo a xeɗ ee: «Faap, o kaas coono lene a waagangee riƈatoox too yerinum, fat ke bugoona a jeg.»

Mark 14:36

Kaa layoogu yee: «Aba, Faap, dara xoxirang! Riƈatanaam o kaas coono olene. Kaa koy, baa jegit ne bugtanuuma, ndaa ne bugtanoona.»

A kim a tedu ke 40:8

Ten taxu um lay ee: «Mexey, garaam! Ke waruuma o fi, soƥaam ta bindel kam a pind a tedu ke.

YEGIL MBAAX NE YEESU ne Saŋ a bindtuuna 18:11

Yeesu a laya a Piyeer ee: «Nomti laƥ ne no xool um. Ndax kaa yerkiim o kaas coono le Faap fee a sepaxama?»

Mace 20:22

Yeesu a doonaan ee: «Nu andee ke nu nqeɗaa. Ndax nu mbaaga o yer o kaas coono le waruuma yer?» A layaan ee: «I mbaagaan.»

YEGIL MBAAX NE YEESU ne Saŋ a bindtuuna 5:30

«A yoqtangee dara ndax na mi soom, waagiim o fi dara. Ne um nantaa um hate’taa, too kate ne mi kaa jof bo, yaam naagiim o waaƭaa ke buguuma, ndaa ke oxe lulaxama a bugna.

YEGIL MBAAX NE YEESU ne Saŋ a bindtuuna 6:38

Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama.

YEGIL MBAAX NE YEESU ne Saŋ a bindtuuna 4:34

Kaa koy, Yeesu a laya a den ee: «Ñaamel es refu um fi’aa ke oxe lulaxama a bugna, soo fadin calel um.

Esayi 51:22

O Yaal oxe Roog of refna o caajangin of kaa sedan xeet um, soo a yegnang kene: «Xam xot no ɓay of o mbeeƭ onqe na firɓandaa, o mbeeƭ onqe yipna fuux le mi, yerkatiro teen muk.

Mace 26:44

A dakooxa o waas a den maaga, soo a riƈatoox. No jaf dadkandeer leene itam a xeɗa leng kut ke.

Yeremi 25:15

Keeke o Yaal oxe Roog fee Isra’el a layaxam: «Xotti no ɓay es o feeƭ olene mayna muut fa biiñ fee no fuux le mi, soo yernin qeet ke um lulkang fop.

Esayi 51:17

Yokooxi, wo Yeerusaleem, kaam ee yokooxi, too inoox, wo fee yeritna no ɓay no Yaal oxe o mbeeƭ onqe yipna fuux le ten. Yeraano boo ɓuus nqiim ke, naag nep way.

Mace 6:10

Yaasam maat of a fadiid! Yaasam ke bugoona a jeg na adna nen na asamaan!

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Mace 11:26

Iyo Faap, neene mat a waagu o refit, yaam ten felong.

YEGIL MBAAX NE YEESU ne Lik a bindtuuna 23:34

Yeesu a laya yee: «Faap, waasani a den, yaam andee ke da mbi’aa.» A mbanjanga tikoorik kaa ten, soo a nqaajir a den.

A pi ake 21:14

Ne ta fañ’ina o nanan a in, i tiima, too i laya yee: «Yaasam ke Roog a bugna a jeg!»