YEGIL MBAAX NE YEESU ne Lik a bindtuuna 22:17 - NQAARIIT NE ROOG

¹⁷ Yeesu a janga o kaas biiñ, a gidim a Roog, too a lay ee: «Njangyo, too nqaajrin!

YEGIL MBAAX NE YEESU ne Lik a bindtuuna 22:17 Referans Kwoze

YEGIL MBAAX NE YEESU ne Lik a bindtuuna 22:19

Cinj kaaga, Yeesu a janga mbuuru, soo a gidim a Roog. A xustaan, a cooxin a den, soo a lay ee: «Kene refu cer ke mi cooxteena yaam nuun. Mbetandooraamoo keene.»

A kim a tedu ke 116:13

Kaam jolooxaa o feeƭ ole na muc ale, lambnaa gon le no Yaal oxe.

O leetar ole Pool a bindna GIMU WE NGENNA ROM 14:6

Oxe na jilaa bes ee yaam kaa jeg o njiriiñ, kaa simattan o Yaal oxe. Oxe waagna o ñaam kuu refna itam, kaa simattan o Yaal oxe, too a gidmaa teen a Roog. Oxe saɗeerna o ñaam kuu refna kaa simattan o Yaal oxe, too a gidman itam.

YEGIL MBAAX NE YEESU ne Lik a bindtuuna 9:16

Yeesu a janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe waa, ndax da lasin wiin waa.

Yeremi 16:7

We na ñaawooxaa ndoxkaand, too we ñakna a faap den mbaat ya den ci’kaand a yer. O leng yaalkee a den.

A cangatin ale 8:10

Yaa nu ñaamkaa boo naang tem koy, fat nu ngidim o Yaal oxe Roog nuun yaam saax faaxaan le ta ci’na a nuun.

A kim a tedu ke 23:5

Kaa o diƈanaxam ñaamel na kid no fañ es, dalnaxam a paax, yaa o sulaxam diwliin no xoox soo cooxaxam a tokol alaa naagna muut boo a ɓaxooxaa.

1 Sami’el 9:13

Nu mbadangaa kam teeru fee, xan nu soƥin maaga boo ta helko fo ŋaayaa no jul ole no ñaang sadaxand laa, ndax ta ñaam. O leng ñaamkee a refangee kaa gar boo a barke sadax fee, soo we nqureena a sogkaa o ñaam. Yaangyo boog, xan nu soƥin maaga ndiiki.»

Mace 14:19

Yeesu a hebla wiin waa fop da moof no suuƴin le. A janga puuru ƥetik kaa fo liƥ ƭik kaa, a daxaaƴoox na asamaan, a gidim a Roog. Yaa ta xeɗna boo a ƴut, a xusta puuru kaa, a cooxin daalbe waa, ndax da lasin wiin waa.

Mace 15:36

A janga puuru ɓetuu ƭik kaa fo liƥ kaa, soo a gidim a Roog. Cinj kaaga, a xusta a den, soo a cooxin daalbe we ndax da lasin wiin waa.

Mace 26:26

Yaa da ñaamaa, Yeesu a janga mbuuru, a barke’in, a xustin, a cooxin daalbe um, soo a lay a den ee: «Njangyo ñaam! Kene refu cer es.»

Mark 14:22

Yaa da ñaamaa, Yeesu a janga mbuuru, a barke’in, a xustin, a cooxin a den, soo a lay a den ee: «Njangyo teen! Kene refu cer es.»

1 Korint 10:16

O kaas ole i mbarke’aa, ndax kaa naagee o fokataa a in fo fo’oy le Kiristaa? Kaam ee: Ndax mbuuru ne i nqustaa naagee o fokataa a in fo cer ke Kiristaa?

1 Korint 11:23

Ke daawtuuma no Yaal oxe, jangnaanum a nuun, ta ref ee: O Yaal oxe Yeesu, no yeng olaa ta ɓoxotkeel kaa jang’u mbuuru,